2025-2026 үөрэх сылын түмүктүүр отчуоттуур кэнсиэр “Олоҥхо, куйаар, оҕо саас...” — 28 мая 2026 г. в 06:12:56.679
2025-2026 үөрэх сылын түмүктүүр отчуоттуур кэнсиэр “Олоҥхо, куйаар, оҕо саас...” “Айылгы” норуот айымньытын дьиэтигэр бэрт интэриэһинэйдик, көрөөччүлэр сэҥээриилэрин ылан, үрдүк таһымҥа дохсун ытыс тыаһынан доҕуһуолланан ааста. Быйылгы кэнсиэр Ю.Гагарин космоска көппүтэ 65, Арассыыйаҕа норуоттар доҕордоһууларын сылларыгар ананан ыытылынна. Сыл устата оҕолор олоҥхоҕо, чабырҕахха, ырыаҕа, хоһооҥҥо, үҥкүүгэ, араас мусукаалынай үнүстүрүмүөннэргэ уһуйуллубуттарын түмүгэ, бу киэһэ саала иһин толордо. Маны сэргэ үөрэх сылын устата ыытыллыбыт үлэ, ситиһиилэр сиһилии видеоролигынан көрдөрүлүннэ. Бөлөхтөр икки ардыларыгар ыытыллыбыт “Бастыҥ бөлөх” сыл аҥарын түмүгэ таҕыста. Кыайыылаахтарынан “Сардаана” бөлөх ылары ситистэ. Ону тэҥэ уһуйааммытыгар куруук көхтөөх, күүс -көмө буолар төрөппүттэрбитигэр махтал суруктары үрдүкү сыанаҕа туттардылар. Өрүү бу курдук үүнүүгэ-сайдыыга, кэрэ эйгэҕэ уһуйуллар, түмсүүлээх, кэскиллээх ыччаттаах “Туллукчаан” уһуйааммытыгар аныгыс үөрэх дьылыгар көрсүөххэ диэри!