«IV-с Бүлүү региональнай үөрэҕирии форумун иһинэн Сунтар улууһун былаһааккаларыгар саам...
«IV-с Бүлүү региональнай үөрэҕирии форумун иһинэн Сунтар улууһун былаһааккаларыгар саамай сэргэх уонна практическай хайысхалаах секциялартан биирдэстэрэ — 4-с №-дээх трек «ПРО_ДОШКОЛЬНИКОВ: Кыра саастаах оҕону иитии стандартарын уонна практикаларын трансформациялааһын» үлэтин түмүктээтэ. Бу былаһаакка Бүлүү макрорегионун оҕо саадын сэбиэдиссэйдэрин, методистарын, иитээччилэрин уонна анал специалистарын — оскуола иннинээҕи үөрэхтээһин сайдыытын стратегическай быһаарыыларын тобулар сыаллаах түмтэ». Трек үлэтэ уопсай отчуоттартан тэйэн, 2026 сыллаахха турар сытыы практическай кыһалҕалары быһаарар конкретнай ньымаларга толору хайысхаланна: 1. Кумааҕыга эрэ буолбакка, дьыалатыгар олоххо киирэр инклюзивнай үөрэхтээһин: Кыттыылаахтар доруобуйаларыгар хааччахтаах оҕолору үөрэх процеһыгар формальнай, «кабинетнай» эрэ ньыманан киллэриини ылымматы туһунан аһаҕастык биллэрдилэр. Секция үлэтин сүрүн түмүгүнэн «Инклюзия алгоритма: 5 хардыы» диэн мастер-резиденция методикатын киллэрии буолла. Секция кыттыылаахтара биир санаанан хас биирдии оскуола иннинээҕи тэрилтэҕэ эйгэ табыгастаах буолуутун булгуччулаах иһинээҕи аудитын ыытар уонна хас биирдии ураты оҕоҕо туспа үөрэнии маршрутун оҥорор туһунан ирдэбили туруордулар. 2. Каадыр манифеһа уонна арыаллыыр специалистары көмүскээһин: Макрорегиоҥҥа анал специалистар кырыымчыктык тиийбэттэрэ уонна үлэ күүһэ атын сиргэ барыыта кэпсэтии сүрүн уонна саамай сытыы тиэмэтэ буолла. Форум түмүгүнэн кыттыылаахтар СӨ Үөрэҕириитигэр уонна уорэ5эрии министерствотын иннигэр официальнай ходатайство киллэриигэ быьаарыннылар. Онно үлэ хамнаһын нуормаларын хаттаан көрөр, тьютордар тарифнай стаапкаларын хас да төгүл улаатыннарар, ону кытта уокурук оскуола иннинээҕи тэрилтэлэригэр үрдүк идэлээх специалистары тутан хаалар сыалтан логопедтар, дефектологтар уонна психологтар окладтарын үрдэтэр туһунан ирдэбил туруорулунна. 3. Бырайыактар уонна үбү-харчыны тардыы: «Төрөппүт конструктора» («Родительский конструктор») диэн бырайыак-интенсив билиһиннэрилиннэ уонна киэҥник олоххо киллэрэргэ сүбэлэннэ. Ону кытта, оскуола иннинээ5и тэрилтэ үлэһиттэрин федеральнай уонна региональнай граннары тардыы технологияларыгар үөрэтэр сыаллаах муниципальнай бырайыак ситимин тэрийии бигэргэтилиннэ. Трек түмүгүнэн оҥоһуллубут Резолюция судургу декларация эрэ буолбакка, педагогтар сөптөөх үлэ хамнаһыгар бырааптарын, оттон иитиллээччилэр толору, хаачыстыбалаах уонна араас өттүттэн сайдар кыахтарын көмүскүүр соруктаах кытаанах, сиһилии былаан-каарта («дорожнай карта») буолла. Сунтардаа5ы оскуола иннинээ5и отделын салайааччыта Михайлова М.В.