Саҥа үөрэх дьылын иккис нэдиэлэтигэр төрөппүттэрбитин кытта көрсүһэн ирэ-хоро кэпсэтэн ...
Саҥа үөрэх дьылын иккис нэдиэлэтигэр төрөппүттэрбитин кытта көрсүһэн ирэ-хоро кэпсэтэн төрөппүт мунньаҕын ыыттыбыт. Төрөппүттэрбит толору кэлэнэр үөрдүбүт. Мунньахпыт саҕаланыыта Эн хайдах төрөппүккүнүй диэн ааттаах суругунан анонимнай ыйытык ыытан хас биирдии төрөппүт бэйэтин туругун биллэ. Онтон мунньахпыт бастакы чааһыгар уһуйааммыт уйулҕа туругун тупсарааччыта Иванова Ирина Валерьевна уһуйааҥҥа бастакытын кэлбит оҕо туругун уонна төрөппүт тугу көмөлөһөн, өйөөн, оҕо уһуйааҥҥа күннэйтэ сыыйа хайдах сылдьа үөрэниэхтээҕин туһунан иһитиннэриини билиһиннэрдэ. Кини дьиэ-кэргэҥҥэ холку эйгэҕэ улааппыт оҕо, быһааран өйдүүр уонна сыыйа үөррэнэр дьоҕура уһуктарын туһунан олус интэриэһинэй ис хоһоонноохтук кэпсээн үгүс төрөппүт интэриэһиргиир боппуруостарыгар хоруйдаата. Төрөппүт уонна иитээччи утарыта өйдөһөн кырачаан оҕону күннэтэ такайан уһуйаан тутулугар үөрэтиэхпит диэн эрэнэбит. Мунньахпыт иккис чааһыгар уһуйаан быраабылаларын туһунан кэпсээн, бэйэ-бэйэбитин кытта кэпсэтэн, билсэн оҕолорбут сайдар эйгэлэрин хайдах тэрийэн оҥорорбутун ырытан, быһаарсан бары биир тэтими тутуһан тарҕастыбыт. Бу нэдиэлэҕэ ырыа дьарыга буолан дьиэ кыыла куоска туһунан ырыаны иһиттибит уонна оонньуур куосканы имэрийэн бары да үөрдүбүт. Бу курдук кырачаан киһи уопсастыба эйгэтигэр бастакы хардыылары күннэтэ атыллаан киэҥ эйгэҕэ үөрэнэн иһиэ турдаҕа. Саҥа нэдиэлэни уһуйааммытыгар утуйарга быһаарынан саҕалаатыбыт. Күн бастакы аҥарыгар бэйэ-бэйэлэрин билсэн, тэҥҥэ оонньоон аралдьыйан сылдьар буоланнар,икки нэдиэлэ устата сыыйа ылынан, бэйэбитигэр үөрэммит кырачааннарбытын утутан күммүтүн уһаттыбыт. Бу курдук бары үөрэнэн сотору кэминэн үөрэ кэлэр буолалларыгар баҕарабыт. Төрөппүтү кытта үлэ саҕаланан ылыммыт сорудахтарбытын сыыйа олоххо киллэрэн барыахпыт. Барыгытыгар ситиһиилэри баҕарабыт. Иитээччилэр: Посельская В.И, Ефимова М.С #ЗолотинкаДетскийСад #Годдошкольногообразования #ГДОЯкутия #100лет #100летСтоличномуОбразованию #100летОбразованиюЯкутска
Канал в каталоге Максиметера
224 подписчиков · Школы и вузы