Налыы хонуу кырдалыгар, — 18 мая 2026 г. в 12:56:02.390
Налыы хонуу кырдалыгар, Нарын, кэрэ сибэккилэр, Нуоҕалдьыйа хамсааннар, Ньургуһуннар уүммүттэр. Номоҕон кыыстыы кэмчиэриһэн, Намыыннык саһарчы мичиһэн, Нусхаччы бөлөхтөһөн, Наскылдьыһан кэрэлэриэн. Нууралдьыһа хамсаатылар, Ньүөлүтэ үөрэн сэгэлдьиһэн, Ньургун уолу долгутаннар, Нохтолоох сүрэҕин сүүйэннэр. Намыын-наскыл үҥкүүлэрин, Нуурал күнү батыһан, Нуолур күөххэ эргичийэн, Номох тылын санатан. Нухарыйбыт ууттан уһуктан, Ньургуннук тоҥу тобулан, Нарылаан сири киэргэтэн, Ньургуһуннар сандааран. Саас аайы уһуйааммыт кырдала ньургуһун сибэккинэн симэнэн оҕо-аймах үөрүүтүн үксэтэр. Ньургуһун күнүнэн!
177 просмотров