"Ньургуһун" уһуйаан "Чуораанчык" бөлөҕүн выпускниктара, төрөппүттэрэ – Кэскиллээх суол... — 27 мая 2026 г. в 14:38:09.462
"Ньургуһун" уһуйаан "Чуораанчык" бөлөҕүн выпускниктара, төрөппүттэрэ – Кэскиллээх суол, кэрэ үгэс – "Выпускниктар аллеяларын" мас олоттулар! Бүгүн, ыам ыйын 27 күнүгэр, "Ньургуһун" уһуйаан "Чуораанчык" бөлөҕүн оҕолоро уонна төрөппүттэрэ олус дьоһуннаах уонна кэрэхсэбиллээх тэрээһиҥҥэ кыттыыны ыллылар. Кинилэр уһуйаан тиэргэнигэр кэскиллээх үгэһи олохтоон, "Выпускниктар аллеяларын" тэрийдилэр. Чуораанчык бөлөх иитиллээччилэрэ уонна кинилэр тапталлаах төрөппүттэрэ биир сомоҕо буолан, уһуйааннара өссө тупсарын туһугар хатыӈ маһы олордон, Аллеяҕа саҥа тыыны киллэрдилэр. Хас биирдии олордуллубут мас – бу кэнчээри ыччат олоҕун, үүнүүтүн-сайдыытын, уһуйааҥҥа атаарбыт умнуллубат сылларын бэлиэтэ буолар. Тэрээһин оҕолорго да, төрөппүттэргэ да улахан үөрүүнү, долгуйууну аҕалла. Оҕолор бэйэлэрэ кыттыһан, үүнээйини олордуу суолтатын өйдөөн, айылҕаҕа харыстабыллаахтык сыһыаннаһарга үөрэннилэр. Төрөппүттэр бу түгэни ахтан-санаан, оҕолорун уһуйааҥҥа атаарбыт кэрэ кэмнэрин үйэтитэр сыаллаах уонна уһуйааннарга махталларын биллэрэр, кэлэр көлүөнэҕэ кэскили хаалларар дьоһуннаах үлэни оҥордулар. Бу "Выпускниктар аллеялара" кэлэр сылларга үүнэн-чэчирээн, уһуйаан киэргэлэ буолуоҕа.