Көлүөнэлэр ситимэ: Болот Боотур аатынан Хатылы орто оскуолатын выпускниктара "Ньургуһун... — 27 мая 2026 г. в 04:19:14.209
Көлүөнэлэр ситимэ: Болот Боотур аатынан Хатылы орто оскуолатын выпускниктара "Ньургуһун" уһуйааҥҥа төрүт түһүлгэлэригэр төнүннүлэр! Хатылы орто оскуолатын быйылгы выпускниктара оҕо саастарын саҕалаабыт, үөрэн-көтөн улааппыт төрүт түһүлгэлэригэр – "Ньургуһун" уһуйааҥҥа – дьоһуннаах көрсүһүүгэ сырыттылар. Кинилэр уһуйааҥҥа сылдьыбыт сылларын, доҕордоспут атастарын, биир бастакы– иитээччилэрин истиҥник саныыр уонна махтанар тылларын тиэрдилэр. Быйылгы "Ньургуһун" уһуйаан выпускниктара, улахан убайдарыттан уонна аҕастарыттан кэскиллээх сүбэни, ыраас баҕа санаалары истэн, оскуола олоҕун туһунан сэргэхсийиини ыллылар. Бу көрсүһүү көлүөнэлэр ыккардынааҕы ситими бөҕөргөттө, биир оскуола, биир уһуйаан оҕолоро биир дьиэ кэргэн курдук иллээх-эйэлээх буолалларын көрдөрдө. Маннык тэрээһиннэр оҕолор өйдөрүгэр-санааларыгар өрүү умнуллубат сырдык өйдөбүллэри хааллараллар, төрүт үгэстэри, дьиэ кэргэн, оскуола уонна уһуйаан ытык сыаннастарын үйэтитэллэр. Айылҕаҕа Ньургуһун чэлгийэн тахсарын курдук, оҕолорбут үөрэнэн-сайдан, инники олохторугар ситиһиилээх буолалларыгар ыҥырар дьоро күн буолла.