Самаан сайыҥҥы кэрэ күнү – "Чуораанчык" бэлэмнэнии бөлөх оҕолоро үөрэн-көтөн көрсүтүлэр! — 22 мая 2026 г. в 14:28:07.806
Самаан сайыҥҥы кэрэ күнү – "Чуораанчык" бэлэмнэнии бөлөх оҕолоро үөрэн-көтөн көрсүтүлэр! Сүүрбүт-көппүт, сэргэх оҕо саас кэмигэр, ыам ыйын 22 күнүгэр, "Чуораанчык" бөлөх оҕолоро Самаан сайыны айылҕаҕа тахсан үөрэн-көтөн көрсүтүлэр. Бу күн иитиллээччилэрбит айылҕа кэрэтинэн дуоһуйан эрэ хаалбакка, сахалыы үгэстэри билэн, кэскиллээх билиини ыллылар. Саха дьоно сайыны көрсөр, айылҕаны аһатар, үрүҥ тунах Ньукуолун күнүн бэлиэтиир улуу бырааһынньыктарын туһунан истиҥ кэпсэтии буолла. Иитээччилэр оҕолорго айылҕаҕа сылдьыы сиэрин-туомун, кинини харыстыыр, ытыктыыр туһунан билиилэри кэҥэттилэр. Саха киһитэ айылҕалыын ыкса ситимнээҕин, хас биирдии маска, от-мас сэбирдэҕэр тыын баарын, кинилэри харыстыахтааҕын туһунан оҕолор сэргэхсик иһиттилэр. Оҕолор иитээччилэрин кытта толору астаах сандалы тула олорон, сайыҥҥы минньигэс астарынан айах туттулар. Онтон оҕолор араас сахалыы оонньуулары, сүүрэр-көтөр, ыстанар-хатанар дьарыктары дуоһуйа оонньоотулар. Күрэхтэһиилэргэ киирэн, күүстэрин-уохтарын, сымсаларын, өйдөрүн-санааларын тургутан, холоһон да ыллылар☀️☀️☀️