Уһуйааммытыгар ыытыллар психологическай месячник чэрчитинэн, "Чуораанчык", "Күнчээн" бө...
Уһуйааммытыгар ыытыллар психологическай месячник чэрчитинэн, "Чуораанчык", "Күнчээн" бөлөх оҕолоругар анаан сэргэх уонна дириҥ ис хоһоонноох тэрээһиннэр буолан аастылар. Бу күн иитиллээччилэрбитигэр тьютор Ульяна Петровна нейро оонньуулары оонньотто. Бу оонньуулар оҕо мэйиитин үлэтин күүһүрдэргэ, толкуйдуур, болҕомтотун сааһылыыр, түргэнник быһаарар уонна тугу эмэ өйдөөн хаалар дьоҕурун сайыннарарга олус туһалаахтар. Оҕолор, Ульяна Петровна салайыытынан, интэриэһиргээн, көхтөөхтүк кыттан, саҥа билиини уонна сатабыллары баһылаатылар. Хас биирдии оонньуу оҕоҕо саҥа арыйыылары, үөрүүнү бэлэхтээн, өйдөрүн-санааларын чэбдигирдэн, күннээҕи дьарыкка бэлэмнээтэ. Ону таһынан, физинструктар Елена Алексеевна, оҕолорго былыргы өбүгэ оонньууларын көрдөрдө уонна оонньотто. Былыр-былыргыттан кэлбит өбүгэ оонньуулара – биһиги култуурабыт сүмэтэ, оҕо этин-сиинин чэбдигирдэр, доҕордоһууну, биир санаанан үлэлиири, тулуурдаах буолууну иитэр дириҥ ис хоһоонноохтор. Оҕолор, күлэн-үөрэн, эбээлэрин, эһээлэрин курдук оонньоон, бэйэлэрин бастакы хардыыларын чиҥэтэн, төрөөбүт сирдэрин-уоттарын, култуураларын дириҥник билэн, сэргэхсийиини ыллылар. Бу оонньуулар нөҥүө оҕолорбут өбүгэлэрбит олохторун-дьаһахтарын, үгэстэрин биллилэр, төрүт тылбыт кэрэтин өссө чугастык ылыннылар. Бу курдук билиини уонна төрүт култуураны ситимниир тэрээһиннэр оҕолорбутун өй-санаа өттүнэн эрэ сайыннарбакка, кинилэри төрөөбүт култуураларыгар, төрүт үгэстэригэр тапталы иҥэрэллэр, чэгиэн уонна сиэрдээх олоҕу тутуһарга ыҥыраллар.