Өрөгөйдөөх үөрүү: Чурапчы улууһа Саха Өрөспүүбүлүкэтин Норуодунай учууталынан киэн туттар!
Өрөгөйдөөх үөрүү: Чурапчы улууһа Саха Өрөспүүбүлүкэтин Норуодунай учууталынан киэн туттар! Учуутал күнүн сырдык бырааһынньыгар улууспут үөрэҕин эйгэтигэр өрөгөйдөөх, устуоруйаҕа хаалар үрдүк ситиһии бэлиэтэннэ! Саха Өрөспүүбүлүкэтин Ил Дарханын Ыйааҕынан биһиги убаастыыр, киэн туттар наставник-учууталбытыгар Российскай Федерация үтүөлээх учууталыгар, РСФСР норуотун үөрэҕириитин туйгунугар, «Россия бастыҥ учуутала-2006» куонкурус кыайыылааҕар, учууталлар учууталларыгар, методист-учууталга, СӨ уонна Чурапчы улууһун үөрэҕириитин бочуоттаах үлэһитигэр, Чурапчы улууһун бочуоттаах олохтооҕор Мария Иустиновна Хоютановаҕа «Саха Өрөспүүбүлүкэтин Норуодунай учуутала» диэн саамай үрдүк, бочуоттаах аат иҥэрилиннэ! Киэн туттар наставник-учууталбытыгар уһун сыллаах таһаарыылаах, киэҥ хайысхалаах үлэҥ сыаналанаммытынан Чурапчы улууһун үөрэҕин салалтатын, үөрэх үлэһиттэрин идэлээх сойуустарын улуустааҕы комитетын уонна бүтүн педагогическай общественноһын ааттарыттан итии-истиҥ, төлөннөөх эҕэрдэбитин тиэрдэбит! 💐🎉Эһиги элбэх сыллаах таһаарыылаах, кэскиллээх уонна киэҥ хайысхалаах үлэҕит — эдэр көлүөнэҕэ холобур, улууспут үөрэҕин ситиһиитин тирэҕэ буолар. Иитэн-үөрэтэн таһаарбыт үөрэнээччилэргит бүгүн дойдубут сайдыытыгар туруулаһа үлэлииллэр, албан ааккытын үрдүктүк туталлар. Баҕарабыт үлэ-үөрэх үөһүгэр үлэлии-хамсыы, сүбэ-ама буолан айа тута сылдьаргар, үтүө доруобуйаны, дьолу-соргуну! Үрдүк наҕарааданан! Учуутал күнүнэн!