Бүгүн, ыам ыйын 15 күнүгэр Дьиэ кэргэн аан дойдутааҕы күнүн бэлиэтииллэр. Бу бэлиэ күн ... — 19 мая 2026 г. в 02:56:32.756
Бүгүн, ыам ыйын 15 күнүгэр Дьиэ кэргэн аан дойдутааҕы күнүн бэлиэтииллэр. Бу бэлиэ күн сүрүн сыала-соруга дьиэ кэргэн сыаннастарыгар, ону бөҕөргөтүүгэ уопсастыбаннас болҕомтотун тардыы. Уопсастыба нус-хас олохтоох ыаллардаах, элбэх ыччаттардаах буоллаҕына — ол аата инникигэ эрэллээх. Уhуйаан уонна дьиэ кэргэн бииргэ туох баар γлэбит кэнчээри ыччаппытын сѳпкѳ иитиигэ- γѳрэтиигэ туhуланар. Ол курдук, бγгγн «Дьиэ кэргэн» кγнγгэр аналлаах эбии γѳрэхтээhин дуобат кружогун салайааччыта Марианна Степановна кѳҕγлээhининэн дьиэ кэргэнинэн дуобакка кγрэх буолла. Кγрэххэ 10 дьиэ кэргэн кыттыыны ылла. Олус тыңааһыннаахтык ыытыллыбыт күрэххэ уопсай түмүк тахсааһынынан кыргыттарга бастакы миэстэни Настя уонна Жорж Федоровтар, иккис миэстэни Валерия уонна Владимир Пустоляковтар, үһүс миэстэни Микаэла уонна Айхал Егоровтар ыллылар. Уолаттарга бастакы миэстэни Максим уонна Иван Кириллиннэр, иккис миэстэни Антон уонна Иван Зедгенизевтэр, үһүс миэстэни Айгылаан уонна Анна Тотоновтар буоллулар. Манна элбэх аҕа кыттыбыта олус хайҕаллаах, γлэттэн быыс булан оҕолорун ѳйѳѳн кэлэн кγрэхтэстилэр. Күрэх бэрт сэргэхтик ааста, кыттааччылар хамаанданан буолбутун наһаа сэҥээрдилэр, астыннылар.