Муус устар 21 күнүгэр биһиги "Колокольчик " оҕону сайыннарыы киинэ үгэскэ кубулуйбут Да... — 22 апреля 2026 г. в 08:36:46.192
Муус устар 21 күнүгэр биһиги "Колокольчик " оҕону сайыннарыы киинэ үгэскэ кубулуйбут Даниловскай ааҕыы чэрчитинэн дойду үрдүнэн Арассыыйа норуоттарын сомоҕолоһууларын сылынан, Арассыыйаҕа оскуолаҕа киириэн иннинээҕи үөрэх сылынан,Саха сиригэр культура сылынан улуустааҕы "Кыраһа суруга" оскуолаҕа киириэн иннинээҕи саастаах оҕолорго Сэмэн Данилов айымньыларыгар инсценировка туруоруутун күрэҕин ыыттыбыт. Күрэхпитигэр улууспут 6 уһуйааннарыттан уопсайа 46 оҕо кыттыыны ылла. Дьүүллүүр сүбэҕэ Сидоров Карл Кононович -Людмила Егоровна Лукина аатынан эбии үөрэхтээһин уонна оҕолору психологическай арыаллааһын киинин эбии үөрэхтээһин иитээччитэ, Тарасова Лилия Егоровна - Семен Софрон Даниловтар ааттарынан Духуобунас киинин режиссера, Баишева Дария Васильевна - улуустааҕы үөрэх Управлениетын оскуола иннинээҕи саастаах оҕолорун отделын специалиһа үлэлээтилэр. Күрэх түмүгэр Гран -При үрдүк аатын ылары ситистэ "Колокольчик" оҕону сайыннарыы киинэ Мытаах нэһилиэгэ "Баҕа уонна күтэр" хоһоон, салайааччы Егорова Нюргустана Семеновна. 1 Үрдэл хаһаайыттарынан буоллулар Бэрдьигэстээх нэһилиэгин "Кэнчээри" уһуйаана "Үрүмэччи", "Чыычаах" хоһооннорунан, салайааччылар Капитонова Марианна Семеновна, Максимова Надежда Николаевна, Никулина Виктория Руслановна, Архангельская Айгуна Джумановна. 2 Үрдэл буолары ситистилэр "Мэлдьэх Микиитэ" хоһоонунан Бэрдьигэстээх нэһилиэгин "Олоӈхо кэскилэ" уһуйаан улахан бөлөх иитиллээччилэрэ. Салайааччылар Степанова Федора Егоровна, Андреева Марфа Егоровна. 3 Үрдэл хаһаайыттарынан буоллулар "Радуга" уһуйаан Бэс - Күөл нэһилиэгэ, " Саас" хоһоон, салайааччылар Данилова Эльвира Леонидовна, Яковлева Татьяна Николаевна. Маны таһынан анал ааттар иӈэрилиннилэр: "Хомоҕой тыл кыната" анал ааты ылары ситистэ Егорова Айыына Мытаах нэһилиэгин "Колокольчик" оҕону сайыннарыы киин иитиллээччитэ. " Бастыӈ оруол толорооччу" хаһаайката Бэрдьигэстээх нэһилиэгин "Кырачаан Ымыы" оҕону сайыннарыы киинин иитиллээччитэ Андреева Сарыада. Улахан махталбытын тириэрдэбит ыӈырыыбытын ылынан кыайыылахтарга бириистэри туруорбут нэһилиэкпит тэрилтэлэригэр: 1. Олорор дьиэ уот коммунальнай хаьаайыстыба Мытаахтаа5ы филиалын коллективыгар, салайааччы Заровняев Гаврил Гаврильевич; 2. Мытаах нэьилиэгин Тыа сирин туелбэтин дьаьалтатыгар Петров Иван Егоровичка; 3. Мытаахтаа5ы музей — галерея коллективыгар салайааччы Егоров Артур Николаевичка; 4. Софрон Петрович Данилов аатынан Дьиикимдэ орто сокуолатын коллективыгар. Директор Саввин Алексей Алексеевичка; 5. Илья Егорович Варламов аатынан сынньалан киин коллективыгар салайааччы Егорова Сайыына Артуровна5а. Күрэхпитигэр кыттыыны ылбыт уһуйааннарга махталбытын тириэрдэбит, баҕарабыт үлэҕитигэр үрдүктэн үрдүк ситиһиилэри.