Лего-конструктор. — 23 марта 2026 г. в 09:41:28.094
Лего-конструктор. Оҕо үөрэр дуоһуйан, табыллан оонньоотоҕуна. Ол курдук оҕо-аймах кыра сааһыттан саамай таптаан, умсугуйан оонньуур оонньуура лего- конструирование буолар. Лего олус туһалаах оонньуу, оҕо мэйиитин үлэтэр, айар, толкуйдуур, ырытар дьоҕуру уһугуннарар. Легоны хомуйуу судургу. Лего-конструктарынан оонньуу, оҕо сайдыытын араас функцияларыгар дьайарын учуоттуур. Оҕо толкуйдуур, ырытан, сабаҕалаан көрөр дьоҕурдарын сайыннарар. Конструктирование бастатан туран илии моторикатын сайыннарар, оонньуур кыра ымпыгын - чымпыгын холбоон, ол хамсаныы оҕо координациятын эрчийэригэр көмөлөһөр. Лего оонньуунан оҕолор олус сөбүлээн оонньууллар уонна үөрэнэллэр. Оҕолор дьарык кэмигэр өй - санаа, логическай уонна уобарас өйдөбүллэрэ, болҕомтолоох, уһулуччулаах буолуулара сайдар. Оонньуур араас өҥүн араара, хас биирдии деталы ааҕа, фигуралар быһыыларын билэ, деталлары сөпкө холбуу үөрэнэллэр. Кыра деталлары холбуурга, тарбахтара сайдар. Бу оонньуу оҕону тулуурдаах, болҕомтолоох буоларга үөрэтэр. Легонан конструктордааһын оҕо айар дьоҕурун сайыннарар, оҕолор үлэ түмүгүн көрөөрү бырахпакка оңороллор. Оҕолор бу оонньууга биир хамаанда буолан оонньууллар, бэйэ -бэйэҕэ убаастабыл, доҕордуу сыһыан үөскүүр. Оттон биһиги оҕоҕо сөптөөх оонньуур эйгэни тэрийэн хас биирдии оҕо үүнэн-сайдан тахсарыгар, бэйэтин суолун арыйарыгар сөптөөх кыаҕы биэрэбит. Оҕо бу дьарыгын салгыы дьиэҕэ эмиэ төрөппүтү кытта сайыннарара хайҕаллаах суол. Оҕону оонньотуҥ, бииргэ оонньооҥ!