МБДОУ - д/с «Ак каен» Тукаевского муниципального района Республики Татарстан
Образование · 24 апреля 2026 г.
24 апрель көнне авыл китапханәсендә татар шагыйре Габдулла Тукайның тууына 140 ел тулуг... — 24 апреля 2026 г. в 14:29:07.467
24 апрель көнне авыл китапханәсендә татар шагыйре Габдулла Тукайның тууына 140 ел тулуга багышланган «Тукай кайта безгә һәр язда» исемле бәйрәме үткәрелде. Чарада «Ак каен» балалар бакчасының әзерлек төркеме тәрбияләнүчеләре кунак булды. Китапханәче Оркыя Камал кызы презентация ярдәмендә балаларга шагыйрьнең авыр балачагы, иҗади юлы турында сөйләде, китаплары белән таныштырды. Балалар игътибарына Габдулла Тукайның китапларыннан, портретыннан, әкиятләре буенча ясалган рәсемнәрдән торган күргәзмә тәкъдим ителде. Г.Тукайга багышланган конкурста катнашып, 1 нче урынны алган Марданова Эмилия «Бала белән күбәләк» шигырен сәнгатьле итеп сөйләде. Балалар әкият геройларына багышланган табышмакларга җаваплар таптылар, «Кулъяулык» исемле хәрәкәтле уен уйнадылар, Г.Тукай шигырьләренә нигезләнгән мультфильмнар карадылар, «Кәҗә белән сарык» әкиятен тыңладылар. Бәйрәм ахырында балалар татар теле гимнына әверелгән «Туган тел» җырын башкардылар. Үткәрелгән чара балалар күңелен Габдулла Тукай иҗаты турында якты тәэсир белән баетты.