Аяк шайны аартап ора — 12 февраля 2026 г. в 15:19:28.340
Аяк шайны аартап ора 📢Алдын-мөңгүнден артык эдилелдер Шай-дус, артыш хавы, туткууш дээн ышкаш тыва эдилелдерниң өг-бүлеге ажыы дыка улуг. Ооң иштин долдуруп чемнээш, дөрге азып алырга, ала-чайгаар аас-кежик, өөрүшкү доктаап, ажы-төлдүң болгаш өг-бүлениң деми оон эгелээр. ШАЙ ХАВЫ — аштап түревес, аш-чуттан камгалаар тодуг-догаа амыдыралдың демдээ. ДУС ХАВЫ — бажыңга кандыг-даа сеткилдиг кижи кирип кээп болур, оларның сеткилин, көрүжүн силерден камгалап, бодунче сиңирип алыр. Аас-дылдан камгалап чоруур. АРТЫШ ХАВЫ — өг-бүлени айызап, эки чүүлдү оштап, силерни кезээде артыжап, арыглап чоруур. ТУТКУУШ — чаасканзыралдан болгаш кезээде эштиг чоруурунуң демдээ. Шаандан тура тыва херээжен кижи бо эдилелдерни алдын, мөңгүнден артык кадагалап, камгалап чораан. Ынчангаш өг-бүлеге аас-кежик доктаап, кадыг-бергелерни ажып эртип алырынга дузалаар бо эдилелдерни бажыңның хүндүткелдиг черинге азып алыр. Чурукту интернет четкизинден алган. "Шын" №56 2024 чылдың июль 27