Ыам ыйын 15 күнүгэр "Өркөн" эбии үөрэхтээһин киинигэр уһуйааммыт "Радуга" белеҕүн иитил... — 18 мая 2026 г. в 07:20:31.273
Ыам ыйын 15 күнүгэр "Өркөн" эбии үөрэхтээһин киинигэр уһуйааммыт "Радуга" белеҕүн иитиллээччилэрин сыллааҕы отчуоттуур кэнсиэрдэрэ буолан ааста. Иитээччилэр: Портнягина Н.А., Свешникова А.Е., музыкальнай салайааччы: Саха республикатын үөрэ5ириитин туйгуна Кириллова А.С. "Радуга" бөлөх 24 оҕо тэҥинэн сыанаҕа тахсан хор, ырыа, үҥкүү арааһын ону таһынан араас музыкальнай инструменнарга толордулар. Сыл устата оҕолор "Күн тэтимэ" үҥкүү, "Кылысхан" саха норуотун инструменнарын (күпсүүр) доҕуһуолугар уонна ырыа ансамбылларга дьаныардаахтык дьарыктананнар араас таһымнаах куонкурстарга сыллата "Музыка барыбытыгар", Алыптаах дор5оон. Чарующие звуки Якутии", "Көмүс ыллык", "Таммахчаан", "Танцуют дети", "Весенняя фантазия", "Үҥкүү кэрэ эйгэтэ" ырыа, үҥкүү куонкурстарга Лауреат, Гран при аатын ылаллар. Оҕолорбутун кэрэ эйгэтигэр уһуйан үөрэтэр Анастасия Семеновна хаһыс да сылын "Бастыҥ музыкальнай салайааччы" аатын ылар. Отчуоттуур кэнсиэргэ ыҥырыылаах ыалдьыттарынан, выпускниктарбыт маҥнайгы учууталлара, Мындаабатаҕы орто окуола алын сүһүөҕүн учуутала Галина Степановна Бурнашева, үөрэх управлениетыттан, Т.А.Григорьев, оскуола инниннээҕи үөрэхтээһин отделыттан Е.П.Ефимова-Ушницкая, О.П.Черкашина. Ону тэҥэ ааспыт сылларга иитээччилэринэн үлэлээбит иитээччилэрэ, Ушницкая У.А.. Лукачевская Д.М. Оҕолорбут кэнсиэрдэрин, "Радуга" бөлөх ийэлэрэ уонна уһуйаан үлэһиттэрэ музыкальный номердарынан эҕэрдэлээтилэр. Көрөөччүлэрбит, эбээлэрбит, эһээлэрбит, эдьиийдэрбит кэнсиэртэн астынан, дуоһуйан бардылар. Уһуйаан үлэһиттэрин уонна төрөппүттэр ааттарыттан "Өркөн" киинин администрациятыгар улахан махталбытын тиэрдэбит.