Улуус лааҕырдара сайыҥҥы сынньалаҥы тэрийэргэ бэлэмнэр — 9 июня 2026 г. в 08:57:05.308
Улуус лааҕырдара сайыҥҥы сынньалаҥы тэрийэргэ бэлэмнэр Быйыл сайын улууспутугар оҕо сайыҥҥы сынньалаҥ лааҕырдара уопсайа 13 үөрэх тэрилтэтигэр бэс ыйын 5 күнүттэн үлэлэрин саҕалыахтара. Ол курдук, Бээрийэ, Курбуһах, Лөгөй, Мүрү 1, 2 №-дээх, Мүрүтээҕи уолаттар гимназияларыгар, Найахы, Суотту, Сыырдаах, Танда, Түүлээх, Тулуна орто оскуолаларыгар, Мүрүтээҕи юннатскай станцияҕа сайыҥҥы лааҕырдар арыллыахтара. Лааҕырдар сүрүн тутуһар хайысхаларынан үөрэтэр, экологическай, үлэ, тиэхиньиичэскэй буолаллар. Ону таһынан оҕону эбии үөрэхтээһин тэрилтэлэригэр сайын устата араас хайысхалаах куруһуоктар үлэлиэхтэрэ. ИП У.Н. Румянцева Хомустаах баазатыгар стационарнай лааҕыры арыйан үлэлэтэрэ былааннанар. Анал байыаннай дьайыы кыттыылаахтарын оҕолоругар өрөспүүбүлүкэттэн, улуустан сылын аайы сүрүн болҕомто ууруллар. Өрөспүүбүлүкэ тас өттүгэр быйыл Владивосток куоракка «Алые паруса» лааҕырга оҕолор анал квотанан сынньаныахтара. ✍️Саина ПОРТНЯГИНА, улуустааҕы үөрэх управлениетын исписэлииһэ 📲Мах-каналбытыгар сурут ⬇️ https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐мюрюгазета.рф ✅ @uamurusahargata @ulusmedia