👍🏼Байаҕантай нэһилиэгэр Тандаҕа биллэр тустуук Егор Вензель доҕоро 23 саастаах Лукас ... — 28 июля 2026 г. в 00:15:26.086
👍🏼Байаҕантай нэһилиэгэр Тандаҕа биллэр тустуук Егор Вензель доҕоро 23 саастаах Лукас Сантамария Францияттан кэлэн ыалдьыттаан барда. Егор уонна Лукас Владикавказ куоракка тустуу сбордарыгар сылдьан билсибиттэр. Лукас олоҕор хаһан да тыа сиригэр сылдьан көрбөтөх эбит, Россияҕа бу төрдүс төгүлүн, Саха сиригэр аан бастакытын кэлэ сырытта. Танда библиотекатыгар оҕолору кытта олус интэриэһинэй көрсүһүү буолла. Көрсүһүүгэ тылбаасчытынан омук тылын учуутала Анна Александровна Вензель үлэлээтэ. Лукас оҕолорго анаан французтуу саҥаран иһитиннэрдэ, бэйэтин уонна дойдутун туһунан кэпсээтэ. Кини Франция биир улахан Лион диэн куоратыттан сылдьар. Идэтинэн программист уонна тустуунан дьарыктанар. Ийэтэ – Испанияттан төрүттээх, кардиолог быраас. Аҕата – итальянец, айар куттаах худуоһунньук. Эдьиийэ — киниттэн үс сыл аҕа, парикмахер идэлээх эбит. Лукас Танда оҕолоругар: "Англия тылын хайаан да үөрэтиҥ", – диэн сүбэлээтэ. Кини урут бу тылы билбэт эрдэҕинэ атын омуктары кытта кэпсэтэрэ олус уустук эбит. Оттон билигин бу тыл көмөтүнэн аан дойдуну көҥүл кэрийэр, элбэх киһини кытта билсэр уонна кэпсэтэр. Лукас нуучча тылын эмиэ үөрэтэн саҕалаан эрэр эбит. Саха сиригэр көһөн олорон көрүөм этэ диэн санаатын эттэ. Кини биһиги ыраас салгыммытын, кэрэ айылҕабытын уонна чуумпу олоҕу олус сөбүлээбит. Көрсүһүү түмүгэр оҕолор ыраахтан кэлбит ыалдьыты кытта астына хаартыскаҕа түстүбүт. ✍🏻 Күндүүнэ Егорова 📲Мах-каналбытыгар сурут ⬇️https://max.ru/join/3C9ZQLhT3NOAcTqvoqV7q1JihA40sSL8ZGoFY5jwqMU 🌐 https://мюрюгазета.рф/ ✅ @uamurusahargata @ulusmedia