Үөһээ Бүлүү кыргыттара фитнес-аэробикаҕа өрөспүүбүлүкэ чөмпүйэнээтин полуфиналыгар киир... — 6 июня 2026 г. в 05:31:42.072
Үөһээ Бүлүү кыргыттара фитнес-аэробикаҕа өрөспүүбүлүкэ чөмпүйэнээтин полуфиналыгар киирдилэр! Бүгүн, бэс ыйын 6 күнүгэр, Ньурбаҕа Саха Өрөспүүбүлүкэтин фитнес-аэробикаҕа XVII чөмпүйэнээтэ үгэс буолбут IX Саха Өрөспүүбүлүкэтин норуоттарын спортивнай оонньууларыгар сүүмэрдиио күрэхтэһии быһыытынан киэҥ далааһыннаахтык ыытыллар. Бу дьоһуннаах күрэххэ биһиги Үөһээ Бүлүү улууһун сүүмэрдэммит хамаандата бэйэтин дьоҕурун, күүһүн-уоҕун көрдөрөн кыттар. Уопуттаах тренер Ольга Потапова дьаныһан туран дьарыктаабыт улууспут кэрэ, нарын бэйэлээх кыргыттара: Ирина Руфова, Июлия Былкова, Владилана Кебель, Валерия Санникова, Евдокия Чыбыкова, Катрина Казакова уонна Саргы Кардашевская дьулуурдарын уонна бэлэмнэрин көрдөрөн, муҥутуурдук кыһаллан, XVII чөмпүйэнээт полуфиналыгар 8 бастыҥ хамаанда иһигэр киирбиттэринэн эҕэрдэлиибит!👏👏👏💐💐💐 Бу ситиһии – хамаанда сыралаах үлэтин, тренердэр мындыр салайыыларын уонна кыргыттар спортка бэриниилэрин түмүгэ буолар. Полуфиналга киирии Саха Өрөспүүбүлүкэтин норуоттарын спортивнай оонньууларыгар кыттар толору кыаҕы арыйар. Кыргыттарбытыгар инники күрэхтэһиилэргэ өссө үрдүк чыпчааллары дабайалларыгар, кыайыылар чаҕылхай чыпчааллара тосхойо туралларыгар ис сүрэхтпититтэн баҕарабыт! Үөһээ Бүлүү, иннин диэки! #Спорт #Фитнесаэробика #Чемпионатреспублики #Спртивныеигры