МБДОУ "Детский сад №9 "Сардана" с.Дюпся" МР "Усть - Алданский улус (район)" РС (Я)
Образование · 13 февраля 2026 г.
Дупсуннээҕи 9 N-дээх «Сардана» оҕо уһуйаанын нэдиэлэтээҕи сонуннара. — 13 февраля 2026 г. в 22:54:08.786
Дупсуннээҕи 9 N-дээх «Сардана» оҕо уһуйаанын нэдиэлэтээҕи сонуннара. v Олунньу 11 күнүгэр Дүпсүн нэһилиэгиттэн үөрэхтээһин тэрилтэлэриттэн барыта 6 педагог Таатта улууһун Тыараһа орто оскуолатыгар "Философия Кулаковского: методологическая основа воспитательной программы "Өксөкү сиэннэрэ". Өксөкү сиэннэрэ Чы-чып-чаап" диэн семинарга сылдьан кэллибит. Семинар тэрийээччилэрэ: "Кэскил" хаһыат үлэһиттэрэ, "Навигаторы детства", Таатта улууһун үөрэҕин салалтата. Семинарга Чурапчыттан Хатылы нэһилиэгиттэн учууталлар, иитээччилэр, Дьокуускай куорат национальнай гимназиятыттан, "Мичээр" уһуйаантан кэлэн кыттыыны ыллылар. v Олунньу 12 күнүгэр Дьокуускай куоракка Ф. Авдеева аатынан оҕо дыбарыаһыгар 4-с төгүлүн "Союз пяти школ" научно - практическай конференция буолан ааста. Cаха улуустарыгар XlX үйэ иккис аҥаарыгар - XX үйэ саҥатыгар үөрэҕи тэнитиспит, тыа сиригэр оччотооҕу кэмҥэ аныгылыы дьаһанан үгүс хайысхаларын утумнаан олохтоспут Дүпсүн улууһун үтүө бас-көс дьоно Афанасьевтар сыдьааннара, саха дьахталларыттан бастакы тележурналист Елена Андреевна , балта Альбина Андреевна Лебедкиналар аҕаларыгар Андрей Дмитриевич Лебедкиҥҥа ананна. Үөһээ Бүлүүттэн, Горнайтан, Намтан, Баатаҕайтан, Дүпсүнтэн мустаннар опыт атастастылар, Андрей Дмитриевич үлэлээбит сылларын санаатылар. Елена Андреевна барыларыгар махтанна уонна сэмэй бэлэхтэрин туттарда. Дүпсүн орто оскуолатыттан Атласова АС, Неустроева ОА уонна Сардаҥа уһуйаантан сэбиэдиссэй Бочкарева ГА уонна иитээччи Ушницкая НП кыттыыны ыллылар. Ушницкая НП "Историяны харыстыыр-Өксөкү сиэннэрэ" диэҥ дакылаатынан кытынна v Олунньу 13 күнэ «Төрөөбүт тыл уонна сурук – бичик күнэ” оҕолордуун саха төрүт оонньууларын оонньоотубут. Сахалыы иһит-хомуос, сахалыы эргэрбит тыллары, сахалыы эҕэрдэлэһэр махтанар тыллары хатылаатыбыт. Күөрчэх уонна өмохсуо диэн өбүгэлэрбит оонньообут оонньууларын оонньооннор оҕолор соһуйдулар даҕаны, үөрдүлэр даҕаны. Аралдьыйыы түмүгэр бэҕэһээ буолбут "Союз пяти школ" диэн Елена Андреевна Лебедкина тэрийбит НПКатыгар кыттан, Елена Андреевна уһуйаан оҕолоругар бэлэхтээбит минньигэс туордун сиэтибит. Оҕолор Елена Андреевнаҕа махтал тылларын тиэртилэр. v Саха буолан сандаарыаҕын, v Киһи буолан килбэйиэҕиҥ! v Сахабыт тылын умнумуоҕуҥ, v Сахабыт тылын таптыаҕыҥ!