1-Хомустаах нэhилиэгин «Мичийээнэ» уһуйаана саҥа сырдык, киэҥ, тупсаҕай дьиэлэммитэ муу... — 3 апреля 2026 г. в 03:45:32.211
1-Хомустаах нэhилиэгин «Мичийээнэ» уһуйаана саҥа сырдык, киэҥ, тупсаҕай дьиэлэммитэ муус устар 1 күнүгэр 10 сылын туолла. Бу бэлиэ күҥҥэ иитиллээчилэрбит уонна выпускниктарбыт холбоһуктаах «Дьоллоох оҕо саас» эҕэрдэ кэнсиэрэ ыытылынна. Кэнсиэрбит «Хомустаах 1-кы нэһилиэгэ» тыа сирин түөлбэтин баһылыгын солбуйааччыта Алексей Григорьевич Захаров, улуус үөрэҕириитин начальнигын солбуйааччыта Светлана Спартаковна Поротова, убаастыыр ветеран үлэһиттэрбит уонна нэһилиэкпит тэрилтэрин салайааччыларын эҕэрдэ тылларыттан саҕаланна. Эҕэрдэ кэнсиэрбитин 2016, 2019 сыллардаах выпускниктарбыт Леонтий Петров, Александра Азарова, Амелия Охлопкова уонна Эдуард Терентьев иилээн- саҕалаан ыыттылар. Оҕолорбут сыл устата үөрэппит бииртэн – биир кэрэ, ураты нүөмэрдэрин көрдөрдүлэр. Кэнсиэрпитин выпускниктарбыт ырыалара, үҥкүүлэрэ киэргэттэ, ол курдук 2018, 2019 сыллааҕы выпускниктарбыт уһуйааннарыгар сылдьан үҥкүүлээбит үҥкүүлэрин сөргүтэн туруордулар. «Утро в тундре» Татьяна Николаевна Жиркова туруорбут үҥкүүтүн «Күнчээн» оҕо образцовай коллективын салайааччыта Туяра Святославовна Мохова тупсарда, «Туос оонньуурдар» үҥкүүнү туруорбут Евдокия Дмитриевна Софронова «Мичээр» оҕо үҥкүү народнай ансаамбылыгар дьарыктанар оҕолорун бэлэмнээн үҥкүүлэттэ. 2018 сыллаах выпускницабыт Амелия Рязанская уһуйааҥҥа сылдьан ыллаабыт «Саас иһэр» ырыатын ыллаан эҕэрдэлээтэ, ырыаны Матрена Петровна Колесова бэлэмнээтэ. Ону тэҥэ 2021, 2023, 2024,2025 сыллардааҕы выпускниктарбыт эҕэрдэ нүөмэрдэрин бэлэхтээтилэр. «Дьоллоох оҕо саас» кэнсиэрбит «Мичийээнэ» хорунан түмүктэннэ.