«Ньукуолун күнун» тематическай нэдиэлэтэ — 25 мая 2026 г. в 02:35:40.778
«Ньукуолун күнун» тематическай нэдиэлэтэ (кыра бэлэх,, Сулусчаан,,) Иитээччилэр:Степанова Л. В., Михайлова М. Г. Сыала-соруга: 1.Саха сиэрин-туомун уонна култууратын кыра саастаах оҕолорго билиһиннэрии. 2. Айылҕаҕа, үөннэргэ-көтөрдөргө харыстабыллаах сыһыаны уонна билиэх-көрүөх баҕаны үөскэтии. 3.Төрүт оонньуулар, ырыа-хоһоон уонна үҥкүү нөҥүө оҕо хамсанарын, саҥарарын сайыннарыы. 📝 Ыытыллыбыт эрдэтээҥҥи үлэ Нэдиэлэ устата оҕолор иитээччилэри кытта араас хайысханан үлэлээтилэр: 1.Билиһиннэрии: Саха сиэрин-туомун туһунан кэпсэтиилэр, кинигэлэри уонна ойуулуктары көрүү. 2.Иһитиннэрии: Айылҕа тыаһын (музыкатын) уонна көтөрдөр саҥаларын истии. 3.Тылы сайыннарыы: Үөннэр, кэйүүрдэр тустарынан хоһооннору ааҕыы, таабырыннары таайсыы. 4.Хамсаныы үөрүйэҕэ: Оһуохай хаамыытыгар уонна сахалыы оһуор хамсаныыларыгар үөрэнии. 🎈Бу бугун ол эбэтэр ыам ыйын 22 кунугэр кыра бэлэх кырачааннарыгар самаан сайыны кэрэ түмүктүүр аралдьыйыы буолан ааста. Кыттыыны ыллылар 14 иитиллээччи, 2 иитээччи. Аралдьыйыы хаамыыта үгэс буолбут сиэри-туому тутуһан, оонньуу көрүҥүнэн барда: 1. Тэрээһин чааһа: Сиэр-туом тутуһуллан, хомус тыаһынан ыраастаныы уонна сири-уоту аһатан сыт таһаарыы буолла. 2. Оонньуулар уонна күрэхтэр: * Сахалыы остуол оонньуулара. «Мээрикээн»,,, Кулуустэьии,, «Күн уонна самыыр» хамсаныылаах оонньуу. «Алаадьыны мас хамыйаҕынан хомуйуу» 3. Түмүк чааска : Оҕолор бары сахалыы төрүт аһылыгынан — баахыланан күндүлэннилэр. Тэрээһин бэрт сэргэхтик ааста. Кыра саастаах оҕолор сахалыы сиэри-туому өйдүүрүгэр хамсаныылаах оонньуулар уонна мас хамыйах курдук тэриллэр көдьүүстээх буоллулар. Оҕолор бары көхтөөхтүк кытыннылар, сахалыы оонньуулары сэргээтилэр, сиэр-туом өйдөбүлүн бэйэлэригэр инэриллиннилэр. #Годдошкольногообразования