Ыам ыйын 26 күнүгэр уһуйааммытыгар үөрүүлээх уонна долгутуулаах бырааһынньык буолла. Бэ... — 28 мая 2026 г. в 04:17:28.007
Ыам ыйын 26 күнүгэр уһуйааммытыгар үөрүүлээх уонна долгутуулаах бырааһынньык буолла. Бэлэмнэнии бөлөх оҕолорун оскуолаҕа атаарыы выпускной күнэ умнуллубат түгэннэри бэлэхтээтэ. Үгүс сыллар устата оҕолорго дьиэ буолбут, бастакы билиини, ситимнээх буолууну бэлэхтээбит "Кэрэчээн" уһуйаан иитиллээччилэрэ оскуолаҕа барар суолга үктэннилэр. Бырааһынньыкка оҕолор төрөппүттэрин, иитээччилэрин уонна уһуйаан үлэһиттэрин муһан хоһоон аахтылар, ырыа ыллаатылар, төрөппүттэрин кытта үҥкүүлээтилэр. Иитээччилэр оҕолоругар элбэх билиини, оскуолаҕа ситиһиилэри баҕара хааллылар, бэйэлэрин сүрэхтэрин сылааһын биэрэн, олоххо дьоһуннаах олук уурбуттарын иһин баҕа санааларын анаатылар. Төрөппүттэр уһуйааҥҥа, иитээччилэргэ, бары үлэһиттэргэ дириҥ махталларын тиэртилэр. Бырааһынньык муҥутуур кэрэ кэмигэр нэһилиэкпит аҕа баһылыга, Дария Ивановна Назарова, хас биирдии оҕоҕо туоһу суругун уонна сэмэй бэлэҕин туттарда. Долгутуулаах ырыалар, истиҥ тыллар уонна оҕолор мичээрдэрэ саала иһин үөрүүнэн уонна сылааһынан толордо. Уһуйаан оҕолорго бастакы оскуола, бастакы билии эйгэтэ, доҕордоһуу хонуута буолан, умнуллубат сыллары бэлэхтээтэ. Билигин кинилэр саҥа, улахан олох суолугар үктэннилэр. Кэлэр кэскиллэрбитигэр оскуола олоҕор бары ситиһиилэри, чөл доруобуйаны уонна дьолу-соргуну баҕарабыт!