Мэҥэ – Хаҥалас уһуйааннарын КМО кыайыылаахтарын икки ардыларынааҕы “Ийэм, аҕам уонна ...
Мэҥэ – Хаҥалас уһуйааннарын КМО кыайыылаахтарын икки ардыларынааҕы “Ийэм, аҕам уонна мин – спорду өрө тутар дьиэ кэргэн - 2026” күрэх Алтынньы ый 20 күнүгэр Хара нэһилиэгин Егоров Василий Михайлович аатынан «Чыпчаал» спортивнай комплекс саалатыгар МэҥэХаҥалас улууһун үөрэх салалтатын уонна Харатааҕы «Кэрэчээн» уһуйаан тэрийиитинэн дьиэ кэргэҥҥэ спорду көҕүлээһин, чөл турукка уһуйуу сыалаах «Ийэм, аҕам уонна мин — спорду өрө тутар дьиэ кэргэн — 2026» улуустааҕы күрэх буолан ааста. Күрээххэ кустовой методическай холбоһуктартан уопсайа 6 хамаанда кэлэн кыттыыны ыллылар. Ол курдук: • Аллараа Бэстээх «Солнышко» уһуйааныттан – Сергучевтар; • Харатааҕы «Кэрэчээн» уһуйааныттан – Баишевтар; • Н. В. Петров аатынан Дьабыл оскуола саадыттан – Жирковтар; • Майатааҕы «Кэнчээри» оҕону сайыннарар киинтэн – Новгородовтар; • Павловскайдааҕы “Мичээр” оҕону сайыннарар киинтэн – Соловьевтар; • Табаҕатааҕы «Кэскил» уһуйааныттан – Билюкиннар. Күрэх 8 көрүҥүнэн ыытылынна: 1. Бэйэни билиһиннэрии 2. Уһуну ыстаныы 3. Аҕалар сиртэн тирэнэн анньыныылара 4. Оҕо уонна ийэ пресс хачайдааһына 5. Сыалы таба быраҕыы 6. Скакалканан ыстаныы 7. Боппуруостарга эппиэттээһин 8. Обручтаах эстафета Күрэҕи дьүүллээтилэр: оҕо-ыччат спорт оскуолатын директорын үөрэх чааһын солбуйааччыта, оҕунан ытыы тренера Артамонова Айталы Дмитриевна, Мэҥэ-Хаҥалас улууһун үөрэҕэх салалтатын оскуола иннинээҕи үөрэхтээһин отделын сүрүннүүр специалиһа Альбина Романовна Захарова, республика таһымнаах судьуйа Иннокентий Петрович Максимов. Тыҥааһыннаах киирсии түмүгүнэн: • Бастакы миэстэ — Харатааҕы “Кэрэчээн” уһуйааныттан Баишевтар; • Иккис миэстэ — Майатааҕы «Кэнчээри» оҕону сайыннарар кииниттэн Новгородовтар; • Үһүс миэстэ — Аллараа Бэстээх “Солнышко” уһуйааныттан Сергучевтар дьиэ кэргэн. Кыттыбыт дьиэ кэргэн бары сертификатынан уонна өйдөбүнньүк бэлэҕинэн наҕараадаланнылар. Ону таһынан бүтүн Россиятааҕы оҕо уонна ыччат хамсааһынын сүрүннүүр специалиһа Айыына Семеновна Матчитова күрэх кыайыылаахтарыгар бэлэх туттарда. Кыайбыт хамаанда ахсынньы ый 12 күнүгэр республиканскай күрэххэ улууспут чиэһин көмүскүү киириэҕэ. Баишевтар дьиэ кэргэҥҥэ ситиһиини, дьулууру, кыайыыны баҕарабыт. #Росдетцентр #ОрлятаДошколята #НавигаторыДетства #НавигаторыДетства14 #ОрлятаДошколята14