Алтынньы ый 22 күнүгэр Мэҥэ-Хаҥалас улууһун ДПС ОГАИ ОМВД полиция старший лейтенана Мар...
Алтынньы ый 22 күнүгэр Мэҥэ-Хаҥалас улууһун ДПС ОГАИ ОМВД полиция старший лейтенана Маркова Сардана Владимировна бэлэмнэнии бөлөх оҕолоругар кэлэн суол быраабылатын туһунан олус интэриэһинэй уонна өйдөнүмтүө аралдьытыы ыытта. Оҕолор суол быраабылаларын хайдах тутуһуохтаахтарын, суол бэлиэлэрин суолтатын, суолга сэрэхтээхтик сылдьарга тугу билиэхтээхтэрин туһунан сиһилии кэпсээтэ. Кэпсэтии кэннэ оҕолор билиилэрин тургутан ыйыктарга хоруйдаатылар. Иитиллээччилэр инспектор ыйытыыларыгар көхтөөхтүк хоруйдаан, суол быраабылатын үчүгэйдик билэллэрин көрдөрдүлэр. Ону таһынан, бу күн "Мин суол быраабылатын тутуһабын" диэн ааттаах уруһуй күрэҕэ тэрилиннэ. Кырачаан уруһуйдьуттар суол быраабылаларын бэйэлэрин харахтарынан көрүүлэрин, суолга хайдах сэрэхтээхтик сылдьыахха сөбүн ойуулаатылар. Тэрээһин кэнники чааһыгар физ инструктор Иван Исаевич салайыытынан көхтөөх эстафета ыытылынна, үҥкүү куруһуогун иитээччитэ Майя Васильевна оҕолорго флешмоб үҥкүүлэттэ. Түмүккэ Сардана Владимировна оҕолорго уруһуй күрэҕин түмүгүнэн грамота, сертификат туттартаата, ону таһынан киэһээ хараҥаҕа суолга сырдаан көстөр значоктары бэлэх уунна. Маннык тэрээһиннэр оҕолорго кыра эрдэхтэриттэн суол быраабылатын билэн, ону тутуһан, олохторугар туһаналларыгар улахан суолталаахтар. Мэҥэ-Хаҥаластааҕы ДПС ОГАИ ОМВД полиция старший лейтенаныгар Сардана Владимировнаҕа тэрээһини уһуйааммытыгар сыл ахсын кэлэн ыытарыгармахталбытын тиэрдэбит, үлэтигэр ситиһиилэри баҕарабыт.