Бүген безнең балалар бакчасында кызыклы чара узды. Безгә район мәдәният йорты артистлар...

Бүген безнең балалар бакчасында кызыклы чара узды. Безгә район мәдәният йорты артистлары кунакка килде. Балалар алар белән бергә бөек татар шагыйре Габдулла Тукай әкиятләре буйлап сәяхәт кылдылар һәм сәхнәдәге күренешләрне зур кызыксыну белән күзәттеләр. Спектакль балаларга бик күп якты тәэсирләр бүләк итте. Тамаша азагында балалар артистларны көчле алкышлар белән бүләкләделәр. Без район мәдәният йорты коллективына искиткеч спектакль өчен ихлас рәхмәтебезне белдерәбез һәм яңа очрашулар көтеп калабыз.