*Василий Васильевич Никифоров – Күлүмнүүр төрөөбүтэ 160 сылыгар Дүпсүн нэһилиэгэр ыыты... — 15 мая 2026 г. в 13:51:44.019
*Василий Васильевич Никифоров – Күлүмнүүр төрөөбүтэ 160 сылыгар Дүпсүн нэһилиэгэр ыытыллар декада чэрчитинэн уонна Аан дойдутааҕы дьиэ кэргэн күнүгэр аналлаах* Дүпсүннээҕи 9 N-дээх "Сардаҥа" уонна 8 N-дээх "Кэскил" оҕо уһуйааннара бүгүн 15.05.2026 с., "Дүөндү" сынньалаҥ киинигэр тэрээһиннэрин ыыттылар. 1.*Дүпсүннээҕи "Кэскил" детсад ветеран - педагога Парасковья Гаврильевна Прибылых* "В. В. Никифоров Күлүмнүүр-төрөөбүт төрүт түөлбэм киэн туттар киһитэ" оскуола иннинээҕи саастаах оҕолорго билиһиннэрии пособиетын презентациятынан саҕаланна. Эрсан, Эрэл Кудриннар В. В. Күлүмнүүргэ анаан хоһоон ааҕан эҕэрдэлэрин тириэртилэр. 2. *Ийэ эбэтэр эбээ оҕотунаан күрэххэ* уһуйаан иитиллээччилэрэ уонна оскуола алын сүһүөҕүн үөрэнээччилэрэ ийэлэрин, эбээлэрин кытта барыта *9 хамаанда* кытынна. "Өбүгэ оонньуулара " күрэҕи "Сардаҥа" детсад педагогтара иилээн-саҕалаан бэрт көхтөөхтүк ыыттылар. Күрэх сонун түһүмэҕинэн "Сардаҥа" уһуйаан иитээччитэ Ньургуйаана Петровна Ушницкая "В. В. Никифоров-Күлүмнүүр оҕо сааһын ыллыктарынан' бэйэтэ айан оҥорбут остуол оонньуута интэриэһи тарта. Күрэх түмүгүнэн: 🥇*1 миэстэ* - *Кудрина Нарыйа Васильевна уола Сандаллыын* 🥈*2 миэстэ* - *Барабанская Прасковья Тимофеевна кыыһа Анджелиналыын* 🥉 *3 миэстэ* - *Тимофеева Анна Николаевна уола Колялыын* буоллулар. Кыайыылаахтарга Парасковья Гаврильевна кинигэтин бэлэхтээтэ уонна Грамоталарынан мэтээллэринэн, бары кыттааччылар туоһу суруктарынан наҕараадаланнылар. Оҕолор минньигэс бэлэх тутан үөрдүлэр. Тэрээһин Ховрова М. И.-Талбаана Сөгүлээн *"Күлүмнүүр, эн албан аатыҥ күлүмнүүр"* хоһоонун күргүөмүнэн ааҕыынан түмүктэннэ. Бу күн нэһилиэк олохтоохторугар анаан "Кэскил" детсад ыыппыт онлайн-викторина түмүгэ тахсан кыайыылаахтар ааттаннылар. 🥇миэстэ- *Неустроева Фаина Иннокентьевна*, 🥇миэстэ- *Румянцева Саргылана Иннокентьевна* 🥈миэстэ- *Алексеева Алина Викторовна, Алексеев Семен* 🥉миэстэ - *Бочкарёва Матрена Захаровна* буоллулар. Кыайыылаахтар Грамотанан уонна Күлүмнүүргэ аналлаах буклетынан наҕараадаланнылар. "Кэскил" уһуйаан 2013 сылтан В. В. Никифоров-Күлүмнүүргэ аналлаах ыыппыт үлэтин быыстапката турда. Тэрээһиӈӈэ көхтөөхтүк кэлэн кыттыбыт нэһилиэк олохтоохторугар махталбытын тиэрдэбит, бары үчүгэйи баҕарабыт! ...*Эн аатын үлэҕэ,* *Эн аатын үөрэххэ* *Үс саха сүрэҕэр* *Үөрүүнү үөскэттэ!* *Күлүмнүүр, күлүмнээ!* (Н. Босиков)