Бүген безнең балалар бакчасында "Сәламәтлек көне" билгеләп үтелде. Башта тәрбияче "Сәл...

Бүген безнең балалар бакчасында "Сәламәтлек көне" билгеләп үтелде. Башта тәрбияче "Сәламәт булу нәрсә ул?", "Витаминнар- организмны саклаучылар", "Нәрсә ул микроблар", "Файдалы һәм зарарлы матдәләр!" дигән темаларга әңгәмә уздырды. Әңгәмәдән соң, балалар да ни өчен иртәнге гимнастикаларның кирәк булуын аңлап алдылар. Дөрес туклану, спорт белән шөгыльләнү, чиста һәм матур киенеп йөрергә кирәклеген искә төшерделәр. Бүген балалар күп төрле хәрәкәтле уеннар уйнадылар, сулыш гимнастикалары да ясадылар. Һәр көн балалар бакчасына килгәч тә, ясала торган гимнастикаларның ни дәрәҗәдә мөһимлеген белделәр. Балаларның сәламәтлеген кайгырту- һәркемнең дә бурычы!