М

МБДОУ « Тыллыминский детский сад «Кунчээн» им. Д. Ф. Тимофеевой»

Школы и вузы · 22 мая 2026 г.

Открыть канал в MAX

Бүгүн биһиги уһуйааммытыгар самаан сайыммыт кэлбитин тэлгэһэбит иһигэр түһүлгэлэнэн уру...

Бүгүн биһиги уһуйааммытыгар самаан сайыммыт кэлбитин тэлгэһэбит иһигэр түһүлгэлэнэн уруйдуу-айхаллыы көрүстүбүт🤗кэнчээри ыччаппытыгар сиэри-туому билиһиннэрээри - алгыстанан, сирбитин аһатан, күнтэн сэниэ ылан, арыылаах алаадьы сиэн, үчүгэйи санаан туран салама баайан, оһуохайдаан ыһыахпытын арыйдыбыт. Урукку сылларга оһуохайы улахан киһи таһаарар эбит буоллаҕына быйыл Павлова Софья уонна Аргунова Айыына толорорго холоннулар🌿🌿🌿🌿 оҕолорбут нэдиэлэ устата олус кыһаллан туран сахалыы үҥкүүлэри, ырыалары, норуот ырыатын, хоһоон ааҕаргэ бэлэмнэнэн долгуйан туран кытыннылар. Аны ыһыах буолан баран оонньуута күрэхтэһиитэ суох буолбат, саамай кырачааннарбытыттан саҕалаан бука бары күрэхтэстилэр. Ол курдук барыларыгар - сүүрүү, уолаттарга - мас тардыһыы, сыал быраҕыы, кыргыттарга - этэрбэс быраҕыы курдук көрүҥнэргэ күрэхтэһэн грамота ылан, үөрдүлэр- көттүлэр. Кыргыттар толбоннурар уһун суһуохтарын кээмэйдэстилэр. "СААМАЙ ЭЛБЭХ КҮН ДЕТСАДКА СЫЛДЬЫБЫТ" диэн сылын ахсын туттарыллар анал бирииһи 2025-2026 үөрэх сылын түмүгүнэн Чуораанчык бөлөххө 157 күнтэн 154 күн сылдьыбыт Алексеев Долун ылан соһуйда, үөрдэ-көттө, Ымыычаан бөлөххө Дмитриева Мичийэ 157 күнтэн 123 күн сылдьан наҕараадаланна😃👏🏻👏🏻👏🏻 Бу курдук биһиги уһуйааммытыгар сэмэйдик ол эрээри олус сэргэхтик Ньукуолун күнүн көрсө күөх сайыммытын уруйдаатыбыт-айхаллаатыбыт🤗 бүгүҥҥү күн түгэннэриттэн видеолары, хаартыскалары ыыталыыбын, көрүн сэргээн, биһигини кытта тэҥҥэ сылдьыбыт курдук сананын😃🙌🏻