М

МБДОУ « Тыллыминский детский сад «Кунчээн» им. Д. Ф. Тимофеевой»

Школы и вузы · 18 мая 2026 г.

Открыть канал в MAX

НЬУРГУҺУН КҮНҮНЭН!

НЬУРГУҺУН КҮНҮНЭН! 🌷 Бүгүн ыам ыйын 18 күнэ - Сахабыт Сиригэр Ньургуһун күнэ бэлиэтэнэр. 🗓 Бу бэлиэ күнү суруналыыс Иван Ушницкай 2004 сыллаахха олохтообута. ☀️ Маннык бэлиэ күн олохтоммута олус кэрэхсэбиллээх. Тоҕо диэтэххэ, биһиги тыйыс дойдубутугар саас хойутаан кэлэр, ол да буоллар, хаар да уулла илигинэ, тоҥ буору тобулан маҥнайгы сибэкки тыллара саха дьонугар олус күндү. 🌿 Кыстыгы этэҥҥэ туораан саҥа дьылга үктэнэр кэтэһиилээх кэммит бастакы илдьитэ буолар. Тулуурдаах, дьулуурдаах, күүстээх санаалаах буолуу, олоххо тардыһыы, кэрэҕэ-сырдыкка талаһыы бэлиэтэ. 🌷 Биһиэхэ ньургуhун сэттэ көрүҥэ үүнэр. Саhархай, маҥан, кытархай, халлаан күөхтүҥү - хара саарыл өҥнөөх буолар. Кыһыл Кинигэҕэ киирбит, ырыаҕа ылламмыт, хоһооҥҥо холбоммут биир сөбүлүүр, сүгүрүйэр, харыстыыр сибэккибит.