МБДОУ « Тыллыминский детский сад «Кунчээн» им. Д. Ф. Тимофеевой»
Лайфстайл · 20 марта 2026 г.
"Чобуо чооруостар" улуустааҕы хоһоон ааҕыылара
"Чобуо чооруостар" улуустааҕы хоһоон ааҕыылара Кулун тутар 18 күнүгэр М.И.Брызгалова аатынан Майатааҕы оҕо бибилэтиэкэтэ уонна Мэҥэ Хаҥалас улууһун үөрэҕин салалтата тэрийэн ыытар үгэс буолбут “Чобуо чооруостар” улуустааҕы хоһоон куонкуруһа ыытылынна. Быйылгы куонкурус оҕоҕо аналлаах элбэх хоһоон ааптара, киинэ сценариһа, расследователь-суруналыыс, араадьыйа ыытааччыта, иккис истиэпэннээх Сталин уонна Ленин бириэмийэтин лауреата Агния Львовна Барто төрөөбүтэ 125 сылыгар ананна. Куонкуруска Майа, Хара, Чүүйэ, Төҥүлү, Павловскай, Аллараа Бэстээх, Мэлдьэхси, Ороссолуода, Табаҕа, Хаптаҕай, Бүтэйдээх, Баатара, Наахара, Төхтүр, Хорообут, Томтор, Тыыллыма уһуйааннарыттан барыта 107 кырачаан хоһоонньут кыттыыны ылла. Хоһоон ааҕыытын сыаналаатылар: Мэҥэ Хаҥалас улууһун үөрэх салалтатын оскуола иннинээҕи үөрэхтээһин салаатын сүрүн специалиһа Альбина Романовна Захарова, И. М. Сосин аатынан улуустааҕы киин бибилэтиэкэ сүрүн бибилэтиэкэрэ Екатерина Гавриловна Дмитриева, М.И. Брызгалова аатынан Майатааҕы оҕо бибилэтиэкэтин сэбиэдиссэйэ Ольга Николаевна Дьяконова. Биһиги уһуйааммытыттан улахан бөлөх иитиллээччитэ Дмитриева Анеля «В школу» хоһоону ааҕан конкурска сүрэхтэнэн, атын оҕолор хайдах ааҕалларын көрөн истэн, кыттан кэллэ🤗