МБДОУ « Тыллыминский детский сад «Кунчээн» им. Д. Ф. Тимофеевой»
Лайфстайл · 13 февраля 2026 г.
🪶📃Бүгүн, олунньу 1️⃣3️⃣ күнүгэр, Сахабыт сиригэр Ийэ тыл уонна сурук-бичик күнэ бэлиэ...
🪶📃Бүгүн, олунньу 1️⃣3️⃣ күнүгэр, Сахабыт сиригэр Ийэ тыл уонна сурук-бичик күнэ бэлиэтэнэр. Тумус туттар киһибит, Саха Өрөспүүбүлүкэтин бастакы Президиэнэ Михаил Ефимович Николаев сүҥкэн кылааттаах. 1️⃣9️⃣9️⃣6️⃣ сыллаахха олунньу 9️⃣ күнүгэр Ыйаах таһааран, олунньу 13 күнэ Ийэ тыл уонна сурук-бичик күнүнэн биллэриллибитэ.📝 👨🎓Бу бэлиэ күнү саха бастакы учуонай лингвиһа, чулуу сырдатааччы, саха маассабай суругун-бичигин, саха алфавитын төрүттээччи, научнай, политическай уонна общественнай деятель, поэт, фольклорист, талааннах педагог Семен Андреевич Новгородов төрөөбүт күнүгэр бэлиэтиибит. ⚜️Ийэ тылбыт – биһиги барыбыт баайбыт, күүспүт, чаҕылхай сулуспут. Сахалыы сайаҕастык саҥарар, иэйиибитин истиҥник этинэр Ийэ тылбыт үйэлэргэ сүппэккэ үүнэ-сайда турдун! Хайа да омук төрөөбүт тылын билэр, таптыыр, харыстыыр кэнчээри ыччаттаах буоллаҕына, тыыннаах буолар, салгыы сайдар, барҕарар. Тыл - бүтүн омук баайа, кэлэр кэскилэ. Төрөөбүт төрүт тыл уонна сурук-бичик күнүнэн! 👏👏👏