МБДОУ "Тюнгюлюнский центр развития ребенка-детский сад "Олимпионик" МР "Мегино-Кангаласский улус (район)"
Лайфстайл · 19 марта 2026 г.
"Үрдэл" бэлэмнэнии бөлөх иитиллээччилэригэр, "Харандаас доҕотторо" бырайыагынан үлэ ары... — 19 марта 2026 г. в 09:12:21.120
"Үрдэл" бэлэмнэнии бөлөх иитиллээччилэригэр, "Харандаас доҕотторо" бырайыагынан үлэ арыллыыта буолла. Бырайыакпыт сүрүн сыала - соруга: оҕону кыра сааһыттан кэрэ эйгэтин кытта алтыһыннаран Федеральнай үөрэҕирии бырагыраамматыгар олоҕуран оҥоһуллубут, төрөөбүт тылынан тылбаастаммыт үөрэтэр көмө босуобуйаҕа киирбит, нуучча улуу худуоһунньуктарын хартыыналарын, ойуулуур-дьүһүннүүр искусство жанрдарын, төрөөбүт тылынан билиһиннэрии, оҕолор сатабылларын, айар дьоҕурдарын сайыннарыы буолар. Бырайыак чэрчитинэн тэрийбит, "Хартыынабыт галереятын"үөрүүлээхтик арыйдыбыт. Ыҥырыылаах ыалдьыппыт, муусука оскуолатын уруһуй кылааһын учуутала Оксана Милентьевна оҕолору кытта, быыстапкабыт арыллыытын лиэнтэтин, үөрүүлээхтик быстылар. Галереябытыгар нуучча улуу худуоһунньуктарын хартыыналара, оскуола уруһуй кылааһын үөрэнээччилэрин үлэлэрэ турдулар. Оксана Милентьевна оҕолорго уруһуйу билиһиннэрэр дьарыгы, оонньуулары ыытта, үөрэнээччилэрин үлэлэрин сиһилии кэпсээн көрдөрдө. Аан бастакытын, оҕолорбут дьиҥнээх арыы кыраасканан, холустаҕа уруһуйдаан көрдүлэр, олус сэҥээрдилэр, астыннылар. Бары көмөлөөн мэтириэт уруһуйдаан таһаардылар. "Харандаас доҕотторо" буоларга сүрэхтэниини ааһан бэлиэ туттулар. "Хартыынабыт галереятыгар" уһуйааммыт атын бөлөхтөрүн оҕолоро эмиэ ыалдьыттаан, кэрэхсээн бардылар. Иитээччи Пермякова А.М.