🐾 Салгыы улуус баһылыга Айаал Бурцев юннатскай станция иһинэн үлэлиир «Тыыннаах муннук... — 3 июня 2026 г. в 14:09:43.652
🐾 Салгыы улуус баһылыга Айаал Бурцев юннатскай станция иһинэн үлэлиир «Тыыннаах муннукка» сырытта. Манна оҕолор тапталларын уонна кыһамньыларын биэрэр элбэх кыыллара-көтөрдөрө бааллар. 🌱 Станция үлэтэ дириҥ ис хоһооннооҕо: оҕолор кыһынын араас куруһуоктарга, онтон сайынын лааҕырга сылдьан айылҕаны кытта быһаччы алтыһаллар. Бу кинилэр инники идэлэрин таларыгар (ветеринар, агроном, биолог уо.д.а.) олук буолар. Юннаттар дириҥ научнай билиини ылалларын таһынан, тыа хаһаайыстыбатын үлэлэригэр үөрэнэллэр. Кинилэр бэйэлэрэ оҕуруот аһын үүннэрэллэр, сибэкки арассаадатын көһөрөллөр уонна кыыллары-көтөрдөрү көрөллөр-истиллэр. «Оҕо кыра сааһыттан сири кытта үлэлии үөрэнэрэ, кыыллары аһынар-харыстыыр буола улаатара — иитии үлэтин сүрүн түмүгэ буолар» , — диэн улуус баһылыга санаатын үллэһиннэ. Сырыы түмүгүнэн Айаал Бурцев юннатскай станция коллективыгар оҕолору иитиигэ уонна улуус сайдыытыгар киллэрэр сүүнэ кылааттарын ыйда. Кинилэр бэриниилээх үлэлэрэ, саҥаны арыйар сыралара улууска улаханнык сыаналанарын бэлиэтээтэ. Баһылык станция инникитин өссө хайдах сайдыахтааҕын туһунан бэйэтин санаатын үллэһиннэ, сүрүн соруктары ыйда уонна бэйэлэрин көрүүлэрин сурукка тиһэн киллэрэллэрин эттэ. @taattaadm