Улуус баһылыга юннатскай станция үлэтин кытта билсистэ — 3 июня 2026 г. в 14:09:18.430
Улуус баһылыга юннатскай станция үлэтин кытта билсистэ 🌿Бүгүн улуус баһылыга Айаал Бурцев үлэтин сырыытынан улуустааҕы юннатскай станцияҕа сырытта. Станция дириэктэрэ Николай Им тэрилтэ тиэргэнигэр уонна иһигэр ыытыллар сонун үлэлэри, инники былааннары сиһилии көрдөрдө. Кинилэр «Тымныы зона» диэн анал зона оҥорбуттарын, онно салат араас көрүҥүн үүннэрэн, номнуо атыыга таһаарбыттарын эттилэр. Маны сэргэ, пластиковай турбалары туруору тутан, анал хайаҕастарга сибэккилэри олордон боруобалыыллар. Манна ууну өр тутар аналлаах матырыйаал — агровата — туһаныллыбытын. Бу ньыма сири кэмчилииргэ уонна үүнээйини табыгастаахтык үүннэрэргэ көдьүүстээҕин бэлиэтээтилэр. 🔹 Быйыл таһырдьа олордорго анаан биир сыллаах сибэкки 30-тан тахса көрүҥүн бэлэмнээбиттэр. Биһиги тыйыс айылҕабытыгар үүнэр мастары уонна оттору үүннэриигэ улахан болҕомто уурбуттар. Араас арассаада көрүҥнэрэ барыта ситиһиилээхтик үүнэн эрэллэрин кэпсээтилэр. 🌀Юннатскай станция сүрүн сыала — оҕолору айылҕаны таптыырга, сири кытта үлэлииргэ үөрэтии. Үлэһиттэр хас биирдии үүнээйини оҕолору кытта тэҥҥэ үүннэрэллэр, кинилэргэ чинчийэр үлэ кистэлэҥнэрин арыйаллар. Айаал Бурцев станция үлэһиттэрэ айымньылаахтык, саҥа технологиялары туһанан үлэлииллэрин сыаналаата. Саха сирин усулуобуйатыгар маннык уопут атын нэһилиэктэргэ да холобур буолар кыахтааҕын эттэ. @taattaadm