МБОО "Тыарасинская средняя общеобразовательная школа им. М.Н.Турнина" Таттинский улус
Образование · 21 марта 2026 г.
💫 «Өксөкүлээх сардаҥата» — 21 марта 2026 г. в 13:31:40.714
💫 «Өксөкүлээх сардаҥата» Урааҥхай сахалар улуукан убайбыт, Саха саарына, киһи кэрэмэһэ Өксөкүлээҕинэн аатырбыт Өлөксөй Кулаковскай! Эн буоллуҥ күн бүгүн сахаҕа Үрдүккэ-үтүөҕэ уһуйар, Сырдыгы ыралаан кэскилгэ угуйар, Сыралынан сыдьаайар күн тэҥэ киһинэн! Алексей Елисеевич Кулаковскай - Өксөкүлээх Өлөксөй төрөөбүтэ 149 сылын көрсө - былаах таһаарыытын үөрүүлээх линейката буолан ааста. Өксөкүлээх Өлөксөй - саха литературатын төрүттээччи, поэт, наука араас көрүҥнэригэр маҥнайгы оҥкулу оҥорбут чинчийээччи, гуманист-философ, айанньыт, Таатталар, бүтүн саха сирэ тумус туттар киһибит буолар. 📝 Биһиги оскуолабытыгар үлэлиир «Өксөкүлээх үөрэҕэ» бырайыак сүрүннээччитэ – Федора Антоновна Попова, үлэ хаамыытын оҕолорго билиһиннэрдэ. 🦅 Оскуолабыт алын сүһүөҕүн үөрэнээччилэрэ – «Өксөкү сиэннэрэ» бэйэлэрин эҕэрдэ нүөмэрдэрин бэлэхтээтилэр. 📖 Бүтүн өрөспүүбүлүкэ үрдүнэн ыытыллар «Өксөкүлээх сардаҥата» акция чэрчитинэн, оскуолабыт библиотекаря, педагог-организатора Ирина Александровна Васильева - Алексей Елисеевич оҕо сааһын уонна алтыһан ааспыт дьонун-сэргэтин сырдатта. Бүтэһигэр оҕолор тэттик ыйытыктарга хоруйдаан - бэйэлэрин тургутан көрдүлэр. #СветКулаковского #Навигаторыдетства #Навигаторыдетства14 #Минпросвещения #Росдетцентр #СветКулаковского