МБОО "Тыарасинская средняя общеобразовательная школа им. М.Н.Турнина" Таттинский улус
Образование · 28 февраля 2026 г.
Матвей Николаевич Турнин аатынан Тыараһа орто оскуолатын олунньу 23-28 күннэрин нэдиэлэ... — 28 февраля 2026 г. в 12:08:44.021
Матвей Николаевич Турнин аатынан Тыараһа орто оскуолатын олунньу 23-28 күннэрин нэдиэлэтээҕи сонуннара📰 • "Өксөкүлээх үөрэҕэ" бырайыак чэрчитинэн нэһилиэкпит маастардарыгар сылдьыы салҕанар. Ол курдук, Олунньу 23 күнүгэр үөрэнээччилэрбит Тыараһа нэһилиэгин талба талааннаах, туойу таптайан оҥорууга норуот маастарыгар Ульяна Васильевна Матвееваҕа ыалдьыттаан саҥаны билэн-көрөн, сатабылларын сайыннаран, оҥоһуктарын кытта билсэн, туой кистэлэҥнэрин билэн кэллилэр. • "ҺӨҔҮҤ дорҕоону дьүһүйэн" Республиканскай оҥоһук күрэҕэр Алеша (1 кылаас), Валера (3 кылаас) Васильевтар аҕалара Семен Семеновичтыын уонна Сардаана Сунхалырова (3 кылаас) ийэтинээн Елена Николаевналыын биһирэбил бэлиэннэн наҕараадаланнылар. Республиканскай күрэххэ барыта 176 үлэ кыттыбыт. • Олунньу 25 күнүгэр Ытык Күөл маҥнайгы нүөмэрдээх оскуолатыгар ыытыллыбыт Хатылыков Александр Миронович 80 сыллаах юбилейыгар аналлаах улуустааҕы математика олимпиадатыгар Григорьев Эрик, 10 кылаас - 2 миэстэни уонна "За верное и оригинальное решение авторских задач" анал аат кыайыылааҕа буолла. Улуустан барыта 56 оҕо кыттыыны ылла. Салайааччы: Соловьева Марина Валерьевна. • Олунньу 25 күнүгэр Чөркөөххө ыытыллыбыт улуустааҕы комплекснай спартакиада сахалыы многоборье күрэҕэр Окоемов Егор, 11 кылаас үөрэнээччитэ ситиһиилээхтик кытынна: — үс төгүл үс көрүҥҥэ - 1 миэстэ — тутум эргиир көрүҥҥэ - 1 миэстэ — уопсай түмүккэ 19 кытааччыттан 3 миэстэ буолары ситистэ. Салайааччы: Гаврил Сергеевич Огонеров. • Олунньу 25 күнүгэр Дьокуускай куоракка ыытыллыбыт бүтүн Аан Дойдутааҕы "Макаренко форумун" региональнай этабыгар Зинаида Васильевна Саввинова, Дария Павловна Монастырева, Федора Антоновна Попова, Марианна Алексеевна Толстякова "Мастерская СИТИМ" проегы ситиһиилээхтик көмүскээн кэллилэр. Бу форум Антон Семенович Макаренко оҕону үлэннэн иитии идеяларыгар олоҕуран үлэлиир проектары көмүскээһиҥҥэ республика агро оскуолаларын истэригэр ыытыллар конкурс. Салҕыы муус устар ыйга Санкт-Петербург куоракка форум всероссийскай этабыгар проегы көмүскүү барыахтара. • Олунньу 26-27 күннэригэр Аммаҕа ыытыллыбыт Амма улууһун волейболга федерациятын Кубогын бирииһигэр аһаҕас Республиканскай волейбол турнирыгар волейболист уолаттарбыт күрэхтэһэн, Республика күүстээх хамаандаларын кытары киирсэн уопуттарын хаҥатан кэллилэр. Салайааччы: Дмитрий Викторович Попов. • Олунньу 28 күнүгэр Дьокуускай куоракка ыытыллыбыт "Мой мир" I республиканскай ааҕыы күрэһин финалистарын конкурсугар Мордовской Гордей, 2 кылаас - Лауреат 2 степени буолары ситистэ. Салайааччы: Екатерина Сергеевна Пудова. Үөрэнээччилэрбитигэр, кинилэр салайааччыларыгар, төрөппүттэргэ өссө төгүл ис сүрэхтэн эҕэрдэ буоллун! Ситиһиилэр өссө да кэлэ турдуннар!