Ексекуулээх Елексей аатынан Дьохсоҕон орто оскуолатыгар, ыам 15 күнүгэр 2026 сыл, Дьоку...
Ексекуулээх Елексей аатынан Дьохсоҕон орто оскуолатыгар, ыам 15 күнүгэр 2026 сыл, Дьокуускайдааҕы национальнай байыаннай оскуола знамятын копиятын керсүү үөрүүлээх линейка үрдүк таһымҥа ааста. Бу копия знамята республиканы кэрийэ сылдьар. Бу эстафета Саха сиригэр национальнай военнай оскуола арыллыбыта 100 сылыгар ананар. Бүгүн биһиги оскуолатыбыгар кэллэ. Дьохсоҕон орто оскуолатын военнай этэрээтин оҕолоро Малышев Дьулустаан, Поленов Коля, Айанньыт Арсен, 10 кылаас үөрэнээчилэрэ уонна Радомир Реворьевич Чемчоев салайааччылаах Черкеех орто оскуолатыгар Дьокуускайдааҕы национальнай байыаннай оскуола копия знамятын үөруулээх быһыыга-майгыга ылан кэлиллэр. Знамяны актабай саалга Ексекулээх Елексей Дьохсоҕон орто оскуолатын военнай этэрээтин оҕолоро Малышев Дьулустаан, Поленов Коля, Айанньыт Арсен преображенскай марш доҕоһуолунан өрө тутан киирдилэр. Үгэс буоларын курдук Арассыйа уонна Саха сирин гиминэ тыаһыанан линейка аһыллынна. Ыҥырылаах ыалдьыттарынан «Дьохсоҕон нэһилиэгэ” тыа сирин түөлбэтин баһылыга Охотин Валентин Андреевич, нэһилиэк сэбиэтин депутатыгар Михаил Лукич Архипов, кини кэргэнэ бочуоттаах сынньалаҥҥа олорор учуутал Архипова Светлана Климентьевна, Афганистан сэриитин ветерана, интернационалист буойун Колотинскай Владимир Петрович буоллуллар. Линейкаҕа «Дьохсоҕон нэһилиэгэ” тыа сирин түөлбэтин баһылыга Охотин Валентин Андреевич, Дьохсоҕон орто оскуолатын дириэктэрэ Петрова Василиса Даниловна, нэһилиэк сэбиэтин депутатыгар Михаил Лукич Архипов эҕэрдэ тыл эттилэр, Афганистан сэриитин ветерана, интернационалист буойун Колотинскай Владимир Петрович знамя туох суолталааҕын оҕолорго быһаарда, эҕэрдэлээтэ, куруук инники күөҥҥэ сылдьын диэн алҕаата. Военнай оскуола историятын сэгэтэн, Дьокуускайдааҕы национальнай байыаннай оскуола төрүттээччитин биһиги улуу биир дойдулаахпыт, Киин Ситэрилээх Кэмитиэт председателэ Платон Алексеевич Ойуунускай буолар. Кини оскуола аһыллыытын 1924 сыллаахха туруорсубут. П.А. Ойунуускай ылыннарыылаах этиитин Сибиир байыаннай уокуругун салалата өйөөн балаҕан 10 күнүгэр 1925 сыллаахха ылыммыт. Дьокуускайдааҕы национальнай байыаннай оскуолаҕа дьарыктар 1926 сыл олунньуттан саҕалымыттар. 100 сыл аннараа өттүгэр Саха сиригэр байыаннай үөрэххэ үөрэтии саҕаламмыт. 1930 сыллаахха Гражданскай сэрии Геройа Кеша Алексеев аата иҥэриллибитэ. Дьокуускайдааҕы национальнай байыаннай оскуола үлэлиирин тухары 900-чэ кэриҥэ выпускниктары үөрэтэн оскуола үлэлиир кэмигэр уопсайа 900-чэ выпускниктары үөрэтэн таһаарбыта. Оскуола киэн тутуута Сэбиэскэй Сойуус Геройа Николай Чусовскай буолар. П.А. Ойуунускай тэрийибит национальнай байыаннай оскуолатыгар Тааттан 70- тан тахса киһи үөрэммитэ. Кинилэр истэригэр бастакы «Ворошиловскай стрелок» - Табунанов Георгий Тимофеевич, бастакы байыаннай юрист Жегусов Гаврил Дмитриевич, Саха Штирлиһэ буолбут разведчик Фрунзе аатынан байыаннай академиятын бүтэрбит Андросов Георгий Михайлович буолар. Ыам ыйын 18 күнүгэр эстафета быһыытынан Ытык Күөл оскуолаларыгар салгыы айаныыр. Биьиги оскуолабытын маннык чиэскэ тиксибитинэн долгутулаах да, уеруулээх да тугэн буолар.