Хамаанда күүһэ – биир сомоҕо — 19 мая 2026 г. в 02:04:47.775
Хамаанда күүһэ – биир сомоҕо Хамаанда диэн биир сыалы ситиһээри түмсүбүт, бэйэ-бэйэлэрин өйөһөр, сомоҕолоһон үлэлиир дьон бөлөҕө. Хас биирдии киһи туспа дьулууруттан быдан күүстээх түмүгү биэрэр дьиҥнээх күүс буолар. Бүгүн “Дьоһуннааҕы кэпсэтии” дьарыкка үөрэнээччилэр “Хамаанда диэн тугуй? Хамаанда күүһэ – биир сомоҕо” диэн тиэмэни ырыттылар. Оҕолор дойдубут устуоруйатыгар бииргэ үлэлиир уонна сомоҕолоһуу туһунан холобурдары кытта билистилэр. Хамаандаҕа бэйэ-бэйэҕэ көмөлөһүү, ыарахаттары туоруурга уонна сыалы ситиһэргэ хайдахтаах улахан суолталааҕын биллилэр. Дьарык кэмигэр хамаандаҕа бэйэ-бэйэни истэр, эппиэтинэстээх, ытыктабыллаах, өйөбүллээх уонна уопсай түмүк туһугар үлэлэһэргэ бэлэм буолар туһунан суолталарын ырыттылар. Оҕолор күүстээх хамаанда эрэлгэ уонна бэйэ-бэйэни өйдөһүүгэ олоҕурар диэн түмүккэ кэллилэр. Бу дьарык үөрэнээччилэргэ хамаанда чилиэнэ буолар төһө суолталааҕын уонна хас биирдии киһи уопсай дьыалаҕа хайдах бэйэ кылаатын киллэриэн сөбүн ордук өйдүүргэ көмөлөстө.