Ыам ыйын 12 күнүгэр оскуолабытыгар Саха АССР үтүөлээх учуутала, Арасыыйа суруйааччылары... — 19 мая 2026 г. в 01:55:08.838
Ыам ыйын 12 күнүгэр оскуолабытыгар Саха АССР үтүөлээх учуутала, Арасыыйа суруйааччыларын уонна суруналыыстарын сойууһун чилиэнэ, Чурапчы улууһун уонна Алаҕар нэһилиэгин бочуоттаах олохтооҕо Варвара Григорьевна Слепцова-Санаа 95 сааһыгар анаммыт ахтыы түһүлгэтэ буолан ааста. Ахтыы түһүлгэтигэр Варвара Григорьевнаны кытта бииргэ үлэлээбит коллегалара, Бэтэрээн учууталлар, үөрэнээччилэрэ, олорон ааспыт олоҕун, үлэлээбит үлэтин туһунан олус истиҥ ахтыылары оҥордулар. Фольклорнай куруһуок оҕолоро ыллаан, учууталлар хомуска оонньоон тэрээһини киэргэттилэр. Варвара Григорьевнаҕа анаммыт кинигэ быыстапкатын нэһилиэк библиотекаря Протодьяконова С.Е. туруорда. Выставкаҕа кини туһунан ыстатыйалар, кини эппит олук тыллара ыйаннылар. Кыыһа Саргылана Ивановна ыыппыт ийэтин хаартыскалара, докумуоннара, туоһу бэлиэлэрэ, кэлбит дьон болҕомтотун тарта. Варвара Григорьевна олорон ааспыт олоҕо, үлэлээбит үлэтэ оскуолабыт историятыгар умнуллубат үтүө өйдөбүл буолан, үүнэр ыччаппытыгар үтүө холобур буола туруо.