«Ноҕуруодап ааҕыылара» научнай-практическай кэмпириэнсий
«Ноҕуруодап ааҕыылара» научнай-практическай кэмпириэнсий Кулун тутар 19 күнүгэр Семен Андреевич Новгородов аатынан Чурапчы орто оскуолатыгар сахалартан бастакы лингибиис-учуонай, саха суругун-бичигин төрүттээччи, биир дойдулаахпыт Семен Андреевич Новгородов аатын үйэтитиигэ анаммыт алын кылаас оҕолоругар сылын аайы ыытыллар аһаҕас өрөспүүбүлүкэтээҕи «Ноҕуруодап ааҕыылара» научнай-практическай кэмпириэнсийэ буолан ааста. Быйылгы тэрээһиҥҥэ 121 үөрэнээччи 10 хайысханан кыттыыны ылла. Түмүккэ, кыайыылаахтар 1-гы, 2-с, 3-с таһымнаах мэҥэ суруктарынан, ааҕар кинигэлэринэн наҕараадаланнылар. Бу ааҕыыларга 4 кылаас үөрэнээччилэрэ олус ситиһиилээх кыттыыны ыллылар. Олус курдук, Лыткина Кэскилээнэ "Өбүгэ дьарыгын утумнаан. Экономика мин дьиэ кэргэним холобуругар" диэн үлэтинэн Мэҥэ сурук III үрдэлин тутта. Салайааччы Шеломова Д.А. Гоголева Элиза "Көлүкэчээн ойулук сценарийа" диэн үлэтинэн "Төрүт тылбыт баайа-кэрэтэ" диэн секцияҕа Муҥутуур кыайыылаах аатын ылла. Салайааччы Сивцева А.А.
Канал в каталоге Максиметера
209 подписчиков · Школы и вузы