Төрүт ох саанан ытыыга күрэх
Төрүт ох саанан ытыыга күрэх Кулун тутар 10 күнүгэр Хаҥалас улууһун Покровскай куоратыгар төрүт ох саанан ытыыга Арассыыйа норуотун үөрэҕириитин туйгуна Стасова Т.С. сырдык кэриэһигэр анаммыт өрөспүүбүлүкэтээҕи күрэх буолан ааста. Бу тэрээһин өрөспүүбүлүкэбит араас муннуктарын оскуолаларыттан кэлбит оҕолор дьоҕурдарын, сатабылларын уонна дьаныардарын көрдөрдө. Биһиги оскуолабытыттан Дьячковскай Дархан, Протодьяконов Сайан, Сивцева Таня, Тоскина Вилюя, Софронова Уля уонна Лыткина Сандра кыттыыны ылан кэллилэр. Үөрэнээччилэрбит кыргыттар икки ардыларыгар үчүгэй көрдөрүүлээхтэр: Тоскина Вилюя 3 миэстэни ылары ситистэ, уонна Лыткина Сандра бэрт ытыыны көрдөрөн 2 миэстэ буолла. Маны таһынан, Дьячковскай Дархан уонна Баишева Лилияна ситиһиилээхтик сүүмэрдээһини ааһаннар Чурапчы улууһун талыллыбыт хамаандатыгар киирэн кулун тутар 14-15 күннэригэр Таатта улууһун Ытык-Күөлүгэр өрөспүүбүлүкэтээҕи “Чорон Федерации” төрүт ох саанан ытыыга күрэхтэһэ бардылар. Бу күрэх, оҕо өйүгэр-санаатыгар, этэ-хаана сайдарыгар туһалаах успуорт көрүҥэ буоларын туоһулуурун көрдөрдө. Үөрэнээччилэрбитин уонна салайааччыларын Христофоров А.А. эҕэрдэлиибит уонна инникитин күрэхтэргэ көхтөөх, ситиһиилээх буолуҥ!