Призердар ортолоругар биһиги волейболистарбыт!
Призердар ортолоругар биһиги волейболистарбыт! Олунньу 11 күнүгэр улуустааҕы комплекснай спартакиада чэрчитинэн волейбол күрэҕэ буолан ааста, онно биһиги оскуолабыт хамаандата чиэстээхтик кытынна. Хамаанда састааба: Пестряков Тургун, Сорокоумов Сережа, Гоголев Максим, Лыткин Айгылаан, Борисов Саша, Мохначевскай Вася уонна Протодьяконов Эрсан. Тренердэр: Андросов А. В., Христофоров А. А. Күрэхтэһии тыҥааһыннаахтык уонна күүстээхтик ааста. Биһиги спортсменнарбыт былаһааккаҕа бэйэ-бэйэни эҥкилэ суох өйдөһөн оонньооһуну, таба тактическай бэлэмнэниини көрдөрдүлэр. Матч түмүгүнэн хамаанда бөлөҕөр 3-с миэстэни ылары ситистилэр. Биһиги волейболисттарбытын эҕэрдэлиибит! Бу саҥа спортивнай үрдэллэргэ суолталаах хардыы буолар. Хамаандаҕа таһымы түһэрбэккэ, маастарыстыбаны өссө сайыннараргытыгар уонна чаҕылхай кыайыыларынан үөрдэргитигэр баҕарабыт. Инникигэ, саҥа ситиһиилэргэ!