Оскуола сонуннара
Оскуола сонуннара Тохсунньу ый 17-18 күннэригэр ыытыллыбыт регионнааҕы биология предметин олимпиадатыгар Чурапчы улууһуттан биһиги оскуолабыт 9 кылааһын үөрэнээччитэ Хастаева Анжелика кыттыыны ылбыта. Салайааччы - Оконешникова П.П. Бу кыттыы улахан ситиһиитин туоһутунан Анжелика сертификат тутта. Бу биология олимпиадатыгар регион таһымыгар Чурапчы улууһуттан Анжелика соҕотоҕун кытынна. Тохсунньу ыйга ыытыллыбыт өрөспүүбүлүкэтээҕи дистанционнай нуучча тылын олимпиадатыгар 3 кылаас үөрэнээччитэ Сивцев Арсен 1 миэстэни ылла. Тохсунньу 27-29 күннэригэр ыытыллыбыт өрөспүүбүлүкэтээҕи дистанционнай математика олимпиадатыгар 4 кылаас үөрэнээччилэрэ Баишева Алияна- 2м., Дорофеев Тускул-2м., Попова Аделина-3м., Лыткина Кэскилээнэ-3м., Попов Андриан-2м. ыллылар. Олунньу 2 күнүгэр Россияҕа Наука күнүгэр аналлаах “Дьоһуннааҕы кэпсэтии” кылаас чаастара уонна 5-10 кылаас үөрэнээччилэригэр квест оонньуу ыытыллынна. Олунньу ый 5 – 14 күннэригэр 8 кылаас үөрэнээччитэ Крюков Арылхан “Сосновый бор” өрөспүүбүлүкэтээҕи оҕо сынньанар –чэбдигирдэр лааҕырыгар, оһуохай күрэхтэригэр ситиһиилээхтик кыттан, путевка ылан, сынньана сылдьар. Кини салайааччыта Чыаппаратааҕы НАДЬ директора Тотонова Е.Н. Арылхан бу күннэргэ “Саха” национальнай көрдөрөр –иһитиннэрэр хампаанньа өйөбүлүнэн ыытыллар “Күн оһуохайа” бырайыакка кыначчыт бөлөҕөр кыттыыны ылыаҕа. Олунньу ый 4 – 15 күннэригэр 7 кылаас үөрэнээччитэ Лыткина Сандра-Алаас “Сосновый бор” өрөспүүбүлүкэтээҕи оҕо сынньанар –чэбдигирдэр лааҕырыгар, “Тыыннаах тыл -2025” диэн өрөспүүбүлүкэтээҕи ааҕыы күрэҕэр ситиһиилээхтик кыттан, путевка тутан, сынньана сылдьар. Салайааччы Гоголева Т.И. Сандра- Алаас ” 8 төгүлүн ыытыллар өрөспүүбүлүкэтээҕи “Тыыннаах тыл -2026” ааҕыы күрэҕэр кыттыыны ылыаҕа. Олунньу ый патриотическай иитии ыйынан (месячнигынан) араас тэрээһиннэр былааннаналлар.