☀️Муус устар 28 күнүгэр академик Л.В. Киренскэй аатынан Амма лиссиэйэ улуустааҕы үгэс б... — 5 мая 2026 г. в 09:00:39.807
☀️Муус устар 28 күнүгэр академик Л.В. Киренскэй аатынан Амма лиссиэйэ улуустааҕы үгэс буолбут саха тылын олимпиадатын 5-8 кылаас үөрэнээччилэрин икки ардыгар бэрт таһаарыылаахтык ыытта. Күрэх сүрүн сыала-соруга төрөөбүт тылы таптыырга, харыстыырга, сахалыы мындыр толкуйдарын кэҥэтэргэ ананар. Быйылгы күрэс уратытык ааста. Суол мөлтөҕүнэн сибээстээн аныгы технология көмөтүнэн, куйаар ситиминэнэн кэтэхтэн ыытыллынна. А.Е. Кралин аатынан Абаҕа орто оскуолата, Е.С. Никитина аатынан Алтан орто оскуолата, П.И. Яковлев аатынан Амма Наахара орто оскуолата, В.Г. Короленко аатынан Амма 1 нүөмэрдээх оскуолата, Л.В. Киренскэй аатынан Амма лиссиэйэ, Е.Е. Пахомов аатынан Болугур орто оскуолата, Н.Е. Иванов аатынан Бөтүҥ орто оскуолата, П.И. Караканов аатынан Мээндиги орто оскуолата, Е.А. Шишигин аатынан Сатаҕай орто оскуолата, А.П. Рязанскай аатынан Соморсун орто оскуолата, И.И. Константинов – Дэлэгээт Уйбаан аатынан Сулҕаччы орто оскуолата уонна Чакыр орто оскуолата кыттыыны ылла. 📚Уопсайа 50 төрөөбүт тылларын таптыыр, ытыктыыр оҕолор күөн көрүстүлэр. Бииртэн-биир үрдүк таһымнаах оҕолор илин-кэлин түсүһүүлэрин түмүгэ маннык буолла: 5 кылаастарга 14 кыттааччыттан 3 үрдэли Болугур орто оскуолатыттан Федоров Сарыал, Амма лиссиэйиттэн Платонов Семен, Мээндиги орто оскуолатыттан Павлов Айхал ыллылар. 2 үрдэлгэ Сулҕаччы орто оскуолатын үөрэнээччитэ Неустроева Карина, Амма лиссиэйиттэн Ефремов Юриан таҕыстылар. Уонна 1 үрдэли ШИШИГИН АЛЕКСЕЙ Амма лиссиэйин үөрэнээччитэ ылла🤩; 6 кылаастарга 12 кыттааччыттан 3 үрдэли Амма Наахара орто оскуолатыттан Гаврильева Айсаана, Мээндиги орто оскуолатыттан Софронов Эрсан, Сулҕаччы орто оскуолатыттан Шепелева Амелия уонна Амма лиссиэйиттэн Платонов Уйгулаан ыллылар. 2 үрдэлгэ Сатаҕай орто оскуолатын үөрэнээччитэ Андреева Арина уонна Амма лиссиэйиттэн Платонов Уруйдаан таҕыстылар. Уонна 1 үрдэл кыайыылааҕынан Сулҕаччы орто оскуолатыттан СТЕПАНОВА НЕЛЛИ буолла🌟; 7 кылаастарга 11 кыттааччыттан 3 үрдэли Болугур орто оскуолатыттан Осипова Сайаана, Амма лиссиэйиттэн Боярская Сайнаара, Амма 1 нүөмэрдээх орто оскуолатыттан Стручков Дамир ыллылар. 2 үрдэлгэ Сулҕаччы орто оскуолатын үөрэнээччитэ Капитонова Аля, Амма Наахара орто оскуолатыттан Пахомов Дмитрий таҕыстылар. Уонна 1 үрдэли Чакыр орто оскуолатын үөрэнээччитэ НОВИКОВ АЙУОЛ ылла🥳; 8 кылаастарга 13 кыттааччыттан 3 үрдэли Амма 1 нүөмэрдээх орто оскуолатыттан Кириллина Евдокия, Абаҕа орто оскуолатыттан Карманова Айталина уонна Болугур орто оскуолатыттан Филиппов Эвсан ыллылар. 2 үрдэлгэ Сатаҕай орто оскуолатын үөрэнээччитэ Андреев Андриан уонна Сулҕаччы орто оскуолатыттан Бурцева Мичийэ таҕыстылар. Уонна 1 үрдэл кыайыылааҕынан Амма Наахара орто оскуолатыттан МАКАРОВА САЙААНА буолла👏🏻. ✨Күрэх нуучча тыллаах кылаастарга туһунан эмиэ ыытыллынна. Быйыл Амма 2 нүөмэрдээх оскуолата тэрээһин хаамыытын бэйэтигэр ылынан иилээн-саҕалаан ыытта. Улуус иһигэр 4 нуучча тыллаах оскуолаттан кэккэ биричиинэнэн 2 эрэ оскуола кытынна: В.В. Расторгуев аатынан Амма 2 нүөмэрдээх оскуолата уонна Л.В. Киренскэй аатынан Амма лиссиэйэ. Уопсайа 13 оҕо кыттыыны ылла. Түмүккэ маннык буолла: 5-6 кылаастарга 3 үрдэли Захарова Олеся Амма 2 нүөмэрдээх оскуолатын 5 кылааһын үөрэнээччитэ, 2 үрдэли Амма 2 нүөмэрдээх оскуолатын 6 кылаас үөрэнээччитэ Неустроева Ванесса уонна 1 үрдэли Амма лиссиэйин 6 кылааһын үөрэнээччитэ НЕРЛОВА АЙТАЛИНА ыллылар🤩; 7-8 кылаастарга 3 үрдэли Неустроева Уйгууна 8 кылаас, 2 үрдэли Протодьяконова Амелия 7 кылаас уонна 1 үрдэли ВАСИЛЬЕВА МИЛЕНА 8 кылаас Амма лиссиэйин үөрэнээччилэрэ ыллылар🥳. 💫Ситиһиилээхтик кыттыбыт оҕолорбутун, кинилэр салайааччыларын истиҥник эҕэрдэлиибит, махтанабыт!🥰Төрөөбүт тылбыт сүмэтин куруук илдьэ сылдьыаҕыҥ, таптыаҕыҥ, харыстыаҕыҥ!✊🏻😊