Ыам ыйын 5 күнүгэр 2026 с Улуу Кыайыы 81 сылын көрсө үгэс курдук Сэрии сылын оҕолоругар...
Ыам ыйын 5 күнүгэр 2026 с Улуу Кыайыы 81 сылын көрсө үгэс курдук Сэрии сылын оҕолоругар уонна Бэтэрээн учууталларга тимуровскай көмөҕө сырыттыбыт. Ол курдук Сэрии сылын оҕотугар Яковлева Анна Яковлевнаҕа 10 кылаас коллектива (кылаас салайааччыта Никифоров Дь.В.) мас хайытан саһааннаата. Сэрии сылын оҕотун, ветеран учууталбытын, СР Ытык Аҕа бэлиэ хаһаайынын Жирков Василий Митрофановиһы кытта 4 кылаас (кылаас салайааччыта Голыгина С.В.) коллектива көрсөн эҕэрдэлээтэ, ыллыктаах сүбэтин ылынна. Сэрии сылын оҕотугар, ветеран учууталбытыгар, РФ үөрэҕириитин туйгунугар Слепцов Семен Михайловичка 8 кылаас коллектива (кылаас салайааччыта Монгуш Д.В.) мас саһааннаата, үлэлээбит сылларын, оскуола историятын туһунан ирэ-хоро кэпсэттэ. Ветеран учууталбытыгар, РФ үөрэҕириитин туйгунугар Михайлова Христина Дмитриевнаҕа 7 кылаас коллектива (кылаас салайааччыта Кривошапкина С.М.) дьиэ таһын ыраастаата, ааспыт сылларга үлэлээбит кэмнэрин болҕойо иһиттэ, ол кэмнээҕи хаартыскалары сэҥээрэ көрдө. Ветеран учууталбытыгар, РФ үөрэҕириитин туйгунугар Анна Гаврильевна, Илья Михайлович Слепцовтарга 6 кылаас коллектива (кылаас салайааччыта Кузьмина В.А.) дьиэ таһын ыраастыырга көмөлөстө, ааспыты ахтан, истиҥ кэпсээни иһиттэ. Ветеран учууталларбытыгар, РФ үөрэҕириитин туйгуннарыгар Надежда Ксенофонтовна, Виктор Викторович Игнатьевтарга 5 кылаас коллектива (кылаас салайааччыта Васильева К.П.) араас кэрэ оҥоһуктары сөҕө-ас көрдүлэр, элбэҕи биллилэр-көрдүлэр, хомустаан, сахалыы дэгэрэҥ ырыанан, олоҥхоттон быһа тардан эҕэрдэлэрин тиэртилэр.