“Аргыс” оҕо устуудьуйатын сонуннара — 24 марта 2026 г. в 04:20:48.359
“Аргыс” оҕо устуудьуйатын сонуннара Н.М.Родионова аатынан Сунтаардааҕы оҕо дьоҕурун сайыннарар киин “Аргыс” оҕо видео устуудьуйатыгар 2-с кылаастан сөбүлээн сылдьабын. Уһуйааччым – Лидия Семеновна Ларионова. Быйыл улуустааҕы «Мой тихий островок, сердцу милый уголок” диэн видеороликтар күрэстэригэр үрдүкү кылаастарга бастакы миэстэни ылбытым. Былырыын “Сайылыгым барахсан” диэн өрөспүүбүлүкэтээҕи күрэскэ документальнай киинэ оҥорон эмиэ бастаабыппыт. Билигин “Мой дом” диэн күрэххэ кыттаары бэлэмнэнэ сылдьабын. Ааспыт нэдиэлэҕэ “аргыстар” - мин, Будищев Айылан, Софронова Света, Ли Стас, Гурьева Алина, Исаева Айлина уонна салайааччыбыт Лидия Семеновна буолан “Сунтаар сулуһа” “Саха” национальнай көрдөрөр-иһитиннэрэр хампаанньа Сунтаардааҕы филиалын 35 сыллаах үбүлүөйдэринэн итиитик-истиҥник эҕэрдэлээтибит. Биһиги устубут видео килииптэрбит, эҕэрдэлэрбит уонна «Ньам-ньам” биэриилэрбит элбэхтик көстөн дьон биһирэбилин ылаллар. Өссө төгүл “Саха” НКИХ Сунтаардааҕы филиалын 35 сыллаах үбүлүөйүнэн эҕэрдэлиибин. Саҥа интэриэһинэй биэриилэри, талааннаах үлэһиттэргэ дьолу, кытаанах доруобуйаны баҕарабын. Иван СЕМЕНОВ, Сунтаардааҕы политехническай лиссиэй-интэринээт 10-с кылааһын үөрэнээччитэ Хаартыскаҕа: “Аргыс” оҕо устуудьуйатын үөрэнээччилэрэ, О. В. Захарова, Л.С.Ларионова.