Кулун тутар 20 күнүгэр Н. М. Родионова аатынан Сунтаардааҕы оҕо дьоҕурун сайыннарар кии... — 24 марта 2026 г. в 04:20:47.955
Кулун тутар 20 күнүгэр Н. М. Родионова аатынан Сунтаардааҕы оҕо дьоҕурун сайыннарар киин көҕүлээһининэн, Сунтаардааҕы үөрэҕирии салалтатын өйөөһүнүнэн, "Декоративно-прикладное творчество обучающихся" улуустааҕы дэкээдэ чэрчитинэн 2-с төгүлүн "Швейная эстафета -2026" диэн 6-8 кылаас оҕолоругар күрэх буолла. Түөрт хамаанда кыттыыны ылла – А.П.Павлов аат Сунтаар 1 №-дээх, Бордоҥ, Маар-Күөл орто оскуолаларыттан уонна Сунтаардааҕы политехническай лиссиэйтэн. Эдэр иистэнньэҥнэр эстафетаҕа 6 түһүмэххэ күрэхтэстилэр, сорудахтара "шоппер" хаппары тигии. Бастакы түһүмэх - тигэр таҥаһы өтүүктээн бэлэмнээһин, иккис түһүмэх - ыйыллыбыт кээмэйинэн киэп оҥоруу, үһүс түһүмэх - киэбинэн таҥаһы быһыы, төрдүс түһүмэх – иистэнэр массыынаны сабын иитэн үлэҕэ бэлэмнээһин, бэһис түһүмэх - быһыллыбыт таҥаһы тигии, алтыс түһүмэх - тигиллибит хаппары өтүүктээн сиигин көннөрүү. "Творческий этап" түһүмэххэ оҕолор бэриллибит бириэмэҕэ "лааппыттан" киэргэтэргэ сөптөөх малы "атыылаһан" ылан тикпит хаппардарын киэргэттилэр. Күрэх түмүгүнэн 1 үрдэл - Маар-Күөл оскуолата (салайааччы Федорова Ольга Андреевна), 2 үрдэл - СПТЛ-и (салайааччы Степанова Любовь Николаевна), 3 үрдэл -ССОШ-1 (салайааччы Андросова Наталия Самуиловна) буоллулар. Кыттыыны ылбыт хамаандаларга махталбытын тириэрдэбит уонна өссө да бу курдук көхтөөхтүк, буолар тэрээһиннэргэ кытта туруҥ, мэлдьи ситиһии сиэттистин, үөрүү үксээтин диэн баҕа санаабытын этэбит. Күрэҕи ыытарга күүс-көмө буолбут А. П. Павлов аатынан Сунтаардааҕы 1№-дээх орто оскуола салалтатыгар, үлэһиттэригэр махталбытын биллэрэбит. Мутукча Баҕатаан, Сунтаардааҕы оҕо дьоҕурун сайыннарар киин уһуйааччыта.