МЧ

МБОУ "Чакырская СОШ им. С.С.Яковлева-Эрилик Эристина"

Школы и вузы · 7 февраля 2026 г.

Открыть канал в MAX

6 күнүгэр

6 күнүгэр Саҥа олоҕу уһансааччы, уран тыллаах олоҥхоһут, саха омугар роман жанрын бастакынан киллэрбит "Саха Островскайа" Семен Степанович Яковлев-Эрилик Эристиин төрөөбүтэ 134 сааһыгар аналлаах декада үөрүүлээх сабыллыыта буолан ааста. Бу күн көлүөнэлэр икки ардыларыгар 6 этаптаах квест оонньуу ыытылынна, барыта биэс хамаандаҕа көлүөнэлэринэн арахсан оонньоотулар: 1 хамаанда - оскуола үөрэнээччилэрэ; 2 хамаанда - нэһилиэк эдэр ыччата; 3 хамаанда - орто саастаахтар; 4 хамаанда - эбэн саастаахтар; 5 хамаанда - эр дьон. Түмүккэ, орто саастаах хамаанда 82 очукуонан кыайыы өрөгөйүн биллилэр, эр дьон уонна эбэн саастаах хамаандалар 81 очукуолаах 2-3 миэстэ буоллулар. Оонньуубутугар сүрүн спонсордар: 1 миэстэҕэ "Саха көбүөр" генеральнай директор Бурцев Василий Васильевич, 2 миэстэҕэ биир дойдулаахпыт Кириллин Эдуард Афанасьевич, 3 миэстэҕэ биир дойдулаахпыт Егоров Николай Иванович спонсордаатылар, барҕа махталбытын тиэрдэбит! Итини таһынан уһуйаан саастаах уонна оскуола оҕолоругар аналлаах Семен Степанович Яковлев-Эрилик Эристиин айымньыларынан уруһуйга күөн-күрэс түмүгэ таҕыста, кыайыылаахтар ааттаннылар. Чулуу суруйааччыбыт, биир дойдулаахпыт Семен Степанович Яковлев-Эрилик Эристиин, 2026-2027 үөрэх сылыгар үбүлүөйдээх 135 сааһыгар көрсүөххэ диэри күндү доҕоттоор!