МЧ

МБОУ "Чакырская СОШ им. С.С.Яковлева-Эрилик Эристина"

Школы и вузы · 6 ноября 2026 г.

Открыть канал в MAX

Сэтинньи 5 күнүгэр

Сэтинньи 5 күнүгэр Эрилик Эристиин биһигин ыйаабыт сиригэр, Чакырга, кини аатынан литературнай мемориальнай музей 1976 сыллаахха суруйааччы төрөөбүт күнүгэр—тохсунньу 24 күнүгэр тэриллибитэ. Бу музей төрүттэммитэ 50 сылынан сэтинньи 5 күнүгэр Е.А.Борисов бибилэтиэкэ-архыыбын сырдык уораҕайыгар «Саха Островскайа» диэн улахан быыстапка турда. С.С.Яковлев-Эрилик Эристиин айар үлэнэн баара-суоҕа 14 эрэ сыл дьарыктаммыта. Бу кылгас кэм иһигэр кини саха литературата сайдарыгар биллэр оруоллаах, чулуу айымньылары хаалларбыт бастакы романист суруйааччы буолар. Быыстапкаҕа литературнай мемориальнай музей матырыйаалларыттан Ноҕуруодап алпабыытынан суруллан тахсыбыт бастакы кинигэлэриттэн саҕалаан Эрилик Эристиин туттубут тус мала-сала, архыып докумуоннара, биллиилээх суруйааччылар истиҥ тылларын анаан, илии баттаан бэлэхтээбит кинигэлэрэ уо.д.а. дьоһун матырыйааллар дьон-сэргэ көрүүтүгэр тардылыннылар. Быыстапка аһыллыытыгар Чакыр, Чурапчы нэһилиэгиттэн Эрилик Эристиин айар үлэтин сүгүрүйээччилэрэ, саха тылын, литературатын учууталлара, кыраайы үөрэтээччилэр, уопсастыбаннас кыттыыны ыллылар. Тэрээһини кыраайы үөрэтээччи, өр кэмҥэ саха тылыгар, литературатыгар үүнэр көлүөнэни уһуйбут, Эрилик Эристиин аатын үйэтитиигэ үгүс үлэни ыытар Мария Егоровна Филиппова иилээн-саҕалаан ыытта, урукку эриэккэс хаартыскаларынан, докумуоннарынан оҥоһуллубут хас биирдии слайданы олус интэриэһинэйдик сэһэргээтэ. Наталья Сибирякова, ааптар хаартыската.