Балаҕан ыйын 23 күнүгэр Саха Өрөспүүбүлүкэтин үөрэҕин уонна наукатын миниистирэ Нюргуна...
Балаҕан ыйын 23 күнүгэр Саха Өрөспүүбүлүкэтин үөрэҕин уонна наукатын миниистирэ Нюргуна Афанасьевна Соколова, Саха Өрөспүүбүлүкэтин экэниэмикэтин миниистирин бастакы солбуйааччыта Иван Елизарович Елисеев, Ньурба оройуонун үөрэҕириитин салайааччыта Фёдор Фёдорович Ушканов, Ньурба оройуонун баһылыга Алексей Михайлович Иннокентьев, оройуон баһылыгын үп-харчы өттүнэн солбуйааччы Эдуард Николаевич Мерикянов уо. д. а. Чуукаарга кэлэн үлэлээтилэр, оскуола, детсад коллективтарын кытары көрүстүлэр. Үлэ сыала - ураты болҕомтону эрэйэр үөрэх объектарын туругун сыаналааһын буолар. Биллэн турар бүтүн нэһилиэги долгутар боппуруос - оскуолабыт салгыы тутуллуута. Салайааччылар бу объект Чуукаардарга улахан суолталааҕын өйдүүллэрин биллэрдилэр, бу кыһалҕаны болҕомтото суох хаалларбаттарын, өрөспүүбүлүкэ былааһын саамай үрдүкү таһымынааҕы хонтуруолга турарын бигэргэттилэр. Онон бу көрсүһүү үтүө түмүктээх буолуо диэн эрэнэбит.